Verde MAR (已結業)

主打牛油果同仙人掌嘅墨西哥菜，餐廳由墨西哥籍廚師主理，每道菜式都滿滿嘅正宗地道墨西哥風味。餐廳嘅佈置都好有特色，掛飾同壁畫都係主廚親手製作，好有心機！至於室外部份有個小花園，種滿仙人掌同香草，係菜式嘅原材料。 Super Nachos脆脆嘅Nachos加埋蕃茄、洋蔥、肉粒、芝士、牛油果醬等配料，味道唔算濃，食得出用料都好新鮮。 Signature Fried Chicken炸得香脆，醬汁辣辣哋，惹味又開胃。 Birria Beef Stew🥘燉牛肉配飯，牛肉湯滿滿嘅精華，燉牛肉非常腍甜。 Avocado Ice-cream牛油果造型嘅雪糕好得意，牛油果核係芒果味雪糕，令成個雪糕冇咁漏。而且加入開心果，令味道冇咁單一。 Avocado Smoothie用新鮮牛油果打出嚟嘅奶昔，無添加，一啲都唔甜，係健康嘅味道！ Mexican Chocolate好濃嘅朱古力味，加入肉桂豐富層次。