影片
更多
2018-07-04
113 瀏覽
朋友話請食飯，我就梗係唔客氣揀日本菜啦，因為日本菜通常啲食材都比較新鮮同埋女性都比較鍾意。既然係佢請，我都唔好意思同佢爭，等佢揀食啲咩，點知叫叫下叫咗成兩千蚊，我都覺得佢癲咗，不過碌卡就算啦，又唔使我比，又欠人情了。唯有寫返篇文章作紀錄多謝佢請我食飯。海鮮刺身山葵芝士沙律＄180裏面真係有好多唔同嘅雜錦海鮮，有啲魚平時都好少見，口感彈下而且味道清新，裏面啲Wasabi真係令人醒神不少，再加埋芝士呢個配搭原來都幾特別，清新得來又帶點飽肚咸香。季節刺身拼盤5點$510海膽、牡丹蝦、拖羅、帶子、鱸魚啲海膽真係鮮甜無比，入口即溶；牡丹蝦爽口彈牙非常鮮甜；拖羅冇咩更，非常肥美油脂豐富；帶子爽口鮮甜味道佳；鱸魚比較重嘅魚香味，而且好大件整到好似玫瑰花咁，好靚。季節壽司拼盤10貫＄700海膽、拖羅、穴子、北寄貝、平政、大蜆、帶子、真鯛、伊佐目計返數話晒都＄70.1件，咁自然佢比嘅質素都高級好多，同人分享冇可能食得晒上面所有種類，咁我試幾個啦。大蜆沒有沙而且非常鮮甜，估唔到配搭食飯都可以咁夾；今次食嘅呢個北寄貝係生嘅，所以見到佢嘅顏色有啲啡啡地，味道非常鮮甜而且口感夠晒彈牙；帶子都係甜到不得了，而且個
既然係佢請，我都唔好意思同佢爭，等佢揀食啲咩，點知叫叫下叫咗成兩千蚊，我都覺得佢癲咗，不過碌卡就算啦，又唔使我比，又欠人情了。唯有寫返篇文章作紀錄多謝佢請我食飯。
海鮮刺身山葵芝士沙律＄180裏面真係有好多唔同嘅雜錦海鮮，有啲魚平時都好少見，口感彈下而且味道清新，裏面啲Wasabi真係令人醒神不少，再加埋芝士呢個配搭原來都幾特別，清新得來又帶點飽肚咸香。
季節刺身拼盤5點$510
海膽、牡丹蝦、拖羅、帶子、鱸魚
啲海膽真係鮮甜無比，入口即溶；牡丹蝦爽口彈牙非常鮮甜；拖羅冇咩更，非常肥美油脂豐富；帶子爽口鮮甜味道佳；鱸魚比較重嘅魚香味，而且好大件整到好似玫瑰花咁，好靚。
季節壽司拼盤10貫＄700
海膽、拖羅、穴子、北寄貝、平政、
大蜆、帶子、真鯛、伊佐目
計返數話晒都＄70.1件，咁自然佢比嘅質素都高級好多，同人分享冇可能食得晒上面所有種類，咁我試幾個啦。大蜆沒有沙而且非常鮮甜，估唔到配搭食飯都可以咁夾；今次食嘅呢個北寄貝係生嘅，所以見到佢嘅顏色有啲啡啡地，味道非常鮮甜而且口感夠晒彈牙；帶子都係甜到不得了，而且個口感比較滑；伊佐目味道就比較清新係好香嘅刺身魚味道。
海鹽枝豆＄48
食飯通常都會跟返啲小食，呢個枝豆嘅鹽分啱啱好，所以識行識行唔經唔覺都好快食晒。
西京銀雪魚＄380
銀鱈魚個味道就比較濃，可能醬汁落得比較多，不過口感係真係好滑，而且裏面沒有骨，如果輕手小小可能就會比較符合香港人嘅口味。
黑豚五花腩串燒＄78
呢間餐廳將五花腩都燒得比較乾身，所以食脂肪嗰一層都唔會感覺到好多油，咸香十足。
雜菜鍋
叫左雜菜鍋可能係諗住健康啲，裏面有好多唔同嘅菜，個調味都OK ,起碼個湯底唔會好濃郁，清清地特別係食咗咁多肉嘅我哋就更加適合。裏面仲有我最愛嘅金菇菜真係幾正！
東松島生蠔＄200兩隻
朋友鍾意食生蠔，唯有捨命陪君子，一舊水一隻反正唔使我比，啲生蠔真係好滑，而且好爽口，口感值得一讚，而且都好香添！不過唔建議放太耐，放係室溫太耐可能就會出水。
張貼
