達人包車 (已結業)

呢間位於銅鑼灣中心地帶的達人包車，正正對住地鐵出口，極方便。之前聽聞呢度的"一米串燒"都幾出名，不過上到去見另一款更吸引，就是芝士排骨，超愛芝士的我又怎會不點呢??先叫了杯青色檸檬果汁特飲，大熱天時，食落夠冰涼又清新。點解覺得呢款芝士排骨比特式1米韓燒串更吸引，咪就係有兩整行芝士碎粒圍著爐邊，不過需要等一陣待芝士慢慢溶化才能把排骨包起。另外紅噹噹的5條排骨條，肉質非常軟腍，一咬便散開，而且醃得非常入味及帶點微辣。包上芝士後，軟腍的排骨配上彈性十足的芝士，口感豐富，淡淡的芝士香，正合我這個芝士迷。伴爐還有小香腸及小紫菜飯團，仲有蕃茄仔及韓式年糕，都幾豐富。用醬汁醮上年糕、腸仔及飯團，食落幾滋味！由於怕唔夠飽，所以另加了份韓式炒飯，本身在白飯上有加有紫菜及雞蛋，店員見排骨吃完就來幫忙把飯放進鍋中，和剛才的醬汁一起炒，辣辣地的飯又幾惹味。