影片
更多
2010-07-19
29 瀏覽
昨天同媽媽及家姐去飲茶,本來是想去另外一間的,但超多人等位,結果我地諗住嚟呢度睇下有冇位,唔算多人,攞張飛都係等廿張內,就係度等位啦,這裏叫飛叫得好快,可能d人攞完張飛見要等咁耐都走晒.其實依家等位的時間已經快左好多,因為同區另一間酒樓裝修完,吸引左好多人幫襯,所以這裏就變得冷清了很多.我地等左唔係好耐就有位啦,坐樓上,仲要坐係最入既枱,坐正係龍鳯下面,勁多射燈好熱呀.這裏是保留推車仔點心的,但都有劃點心的,但選擇一定少好多,我們叫左茶後就叫點心啦,點左煎芋頭糕及廋叉燒飯多汁,樓上好嘈,好似坐位冇以前咁寛闊,迫左好多及嘈左好多,最重要係好熱,唔夠冷氣,坐左一陣都唔覺得涼,環顧四周見都有部份人在撥涼呀.我地坐得太入,所以每當點心車經過都唔會睇到係有咩食,仕應又唔出聲問及推銷,只將點心車放在路口跟住讓食客望下就走,我地完全睇唔到點叫呢?隔離枱每次都自已行出去望下係咩,這些服務唔得囉.我們加埋叫左以下食物:芋頭糕-這個好味,煎得黃金色,好香,個樣已好靚,食落去都好好味,軟淋淋及有好多料食入面.同埋係熱辣辣架.廋叉燒飯-叉燒賣相都好靚同埋好味的,有好多汁,都好淋身,唔算太廋,好味呀.百花釀魚肚
我地等左唔係好耐就有位啦,坐樓上,仲要坐係最入既枱,坐正係龍鳯下面,勁多射燈好熱呀.這裏是保留推車仔點心的,但都有劃點心的,但選擇一定少好多,我們叫左茶後就叫點心啦,點左煎芋頭糕及廋叉燒飯多汁,樓上好嘈,好似坐位冇以前咁寛闊,迫左好多及嘈左好多,最重要係好熱,唔夠冷氣,坐左一陣都唔覺得涼,環顧四周見都有部份人在撥涼呀.
我地坐得太入,所以每當點心車經過都唔會睇到係有咩食,仕應又唔出聲問及推銷,只將點心車放在路口跟住讓食客望下就走,我地完全睇唔到點叫呢?隔離枱每次都自已行出去望下係咩,這些服務唔得囉.
我們加埋叫左以下食物:
芋頭糕-這個好味,煎得黃金色,好香,個樣已好靚,食落去都好好味,軟淋淋及有好多料食入面.同埋係熱辣辣架.
廋叉燒飯-叉燒賣相都好靚同埋好味的,有好多汁,都好淋身,唔算太廋,好味呀.
百花釀魚肚-這個都好味,魚肚好多汁入味及都好乾淨,唔似有些是有些較暗顏色的,蝦膠都好爽口呀.
干蒸牛肉-ok呀,有四粒的,唔會好似牛肉球咁實,這個剛剛好.
雞包仔-本來是想叫叉燒包的但賣晒,這個不行呀,出晒水喎,好濕所以唔好食
最後叫糖水啦,仕應推住糖水車經過,我地知係糖水跟住問佢係咩,佢話糖水呀,問佢有咩糖水,佢話都係紅豆沙....果d啦....好奇怪的答案....叫左俾個碗仔真係俾個碗你你,但唔會俾埋條匙羮呀....其中一個唔通要用手食?
綠豆沙-味道都幾好呀,有些海帶絲,好清潤呀,唔算太甜.
蕃薯糖水-係有些雪耳的,幾清甜呀,蕃薯好淋身,好味,湯水有薑味.
整體嚟講這裏係退步左呀,因為價錢已係人地其它酒樓的一賠有多,食物,服務質素及環境都應該給人很舒服的感覺,但係我地唔覺得有這種感覺,環境已嘈雜,又熱加上食物質素下降,還有仕應的質素亦在下降.絕對不會是首算了.
張貼
