Big Ernie's Diner (已結業)

跟太座再次展開尋覓burger之旅，今次嚟到駱克道呢間由大集團經營嘅美式餐店...有hotdog、sandwiches各款選擇，但自己一於好少理，專攻burger一味...一場嚟到當然要叫招牌嘅big ernie's burger。連埋薯條及salsa要賣九十八大洋一客，再叫埋milkshake連10%都要成百五銀，實在唔平...好在友善嘅菲籍侍應提醒，原來叫combo set (即milkshake加burger)只需$118，咁又值番D...先嚟vanilla milkshake，香且不過濃，口感頗順喉，不錯...嘩...個burger就真係大到得人驚。D mushroom及onion多到漏晒出嚟，食得頗"輪盡"。味道只是一般，牛肉冇乜味(雖然唔算太乾身)，最關鍵係個包完全冇烘焙過，淰pat pat，包面完全冇微脆口感，失敗...太座越食越唔滿意...buffalo chicken wings只算係普通嘅蜜糖雞翼，太甜，冇甚特別；個honey mustard sauce味道頗古怪，食到太座有D想嘔...有時大件頭未必係好事嘅，品質最重要...睇嚟都係shake em' buns穩陣