Dreamer Cafe (已結業)

星期五決定遠離office鬆一鬆，揀左番去以前大學時代經常流連既山道一帶搵食。係地圖搵到附近有呢間文青風cafe，感覺幾chill。呢度食物選擇唔多，主打咖啡、茶等等。我唔想食咁多澱粉，所以就無揀到呢度既Daily Pasta，揀左All Day Breakfast ($108)，個自家製既蘋果醬搽上熱辣辣既多士上面，味道同口感都好豐富！另外有成隻手咁大塊既蛋、半個牛油果、兩塊煙三文魚、兩塊煙肉、一大條腸仔，當然唔少得生菜。呢度生菜就無落沙律醬既。呢度既煙肉唔會焗到太硬或太咁，啱曬我口味。腸仔切開係爆汁既，感覺juicy。牛油果成熟度亦剛好，口味creamy。網上見啲拉花咁靚，就叫左杯Hojicha Latte($48)。日本焙茶係綠茶再烤焗過，味道甘香，呈深綠色，非常特別。拉花果然精緻，搞到我都好想學！呢度遠離煩囂，中午人唔多，約埋同事或同學係度傾計都係非常好既選擇。