影片
更多
2024-09-19
726 瀏覽
呢晚友人約咗我嚟食串燒，食完覺得呢間串燒店嘅性價比幾高，而且完全冇漏單或者上菜慢嘅情況，所以真心推介俾大家試吓。牛串燒♦️鹽燒牛舌串呢個牛舌真係好抵食，價錢相宜，但質素拍得住人哋嘅牛舌芯👍🏻雞串燒♦️雞中翼一串有兩隻，燒到外脆內軟，入面有好多肉汁🐥♦️雞腎串因為比較厚切，咬落口入面仲好嫩，唔會太韌。♦️雞胸軟骨一份已經有兩串，雞胸軟骨好爽口，雞胸軟骨唔係淨係得骨，仲有啲雞肉喺側邊，口感更豐富。豬串燒♦️豬頸肉串一口size，食落去Juicy有咬口🐷♦️五花腩完全見到五個層次，燒香咗嘅豬皮同埋脂肪完全可以喺口中融化。卷物♦️金菇肥牛卷整個卷物都好飽滿，肥牛半肥瘦，肉汁浸入金菇勁香🐮♦️煙肉露筍卷係一個幾清新嘅組合，露筍幾爽脆🫛♦️芝士豆腐一串有三件，燒香咗嘅芝士半融狀態，更加美味。海鮮♦️燒海蝦一份有三隻大海蝦🦐 蝦肉彈牙，有咬口。♦️煙肉燒蠔燒蠔嘅表面鋪滿咗一層煙肉，creamy嘅蠔肉配埋鹹香嘅煙肉都幾值得試吓，係西式嘅風味🥓♦️蒜蓉燒蠔呢一個組合係一個不敗嘅組合，蒜蓉嘅香味同蠔嘅鮮味好夾🦪♦️魷魚鬚表面加咗燒汁，有一排嘅爽口魷魚鬚🦑蔬菜♦️蒜蓉燒原條茄子鍾意蒜蓉嘅你一定要食呢個，真係勁多蒜蓉喺面，底下嘅茄子係原
呢晚友人約咗我嚟食串燒，食完覺得呢間串燒店嘅性價比幾高，而且完全冇漏單或者上菜慢嘅情況，所以真心推介俾大家試吓。
牛串燒
♦️鹽燒牛舌串
呢個牛舌真係好抵食，價錢相宜，但質素拍得住人哋嘅牛舌芯👍🏻
雞串燒
♦️雞中翼
一串有兩隻，燒到外脆內軟，入面有好多肉汁🐥
♦️雞腎串
因為比較厚切，咬落口入面仲好嫩，唔會太韌。
♦️雞胸軟骨
一份已經有兩串，雞胸軟骨好爽口，雞胸軟骨唔係淨係得骨，仲有啲雞肉喺側邊，口感更豐富。
豬串燒
♦️豬頸肉串
一口size，食落去Juicy有咬口🐷
♦️五花腩
完全見到五個層次，燒香咗嘅豬皮同埋脂肪完全可以喺口中融化。
卷物
♦️金菇肥牛卷
整個卷物都好飽滿，肥牛半肥瘦，肉汁浸入金菇勁香🐮
♦️煙肉露筍卷
係一個幾清新嘅組合，露筍幾爽脆🫛
♦️芝士豆腐
一串有三件，燒香咗嘅芝士半融狀態，更加美味。
海鮮
♦️燒海蝦
一份有三隻大海蝦🦐 蝦肉彈牙，有咬口。
♦️煙肉燒蠔
燒蠔嘅表面鋪滿咗一層煙肉，creamy嘅蠔肉配埋鹹香嘅煙肉都幾值得試吓，係西式嘅風味🥓
♦️蒜蓉燒蠔
呢一個組合係一個不敗嘅組合，蒜蓉嘅香味同蠔嘅鮮味好夾🦪
♦️魷魚鬚
表面加咗燒汁，有一排嘅爽口魷魚鬚🦑
蔬菜
♦️蒜蓉燒原條茄子
鍾意蒜蓉嘅你一定要食呢個，真係勁多蒜蓉喺面，底下嘅茄子係原條上，茄子肉幾軟身🍆
♦️黑松露炒什菌
完全俾佢嘅份量嚇親，咁多菇菇得唔得㗎😱 餐廳先用牛油炒香咗，再加上黑松露醬，真係有勁出嘅菇味🍄🟫
特別菜式
♦️芝士雞肉墨西哥薄餅
呢個勁足粒，味道拍得住出名嘅墨西哥餐廳🍴 入面嘅雞肉同芝士餡料多到滿瀉，輕鬆供到拉絲效果🧀
♦️香煎鵝肝多士
串燒店都有得食高質嘅鵝肝多士🤤 鵝肝幾厚身，入口creamy，油脂感滿滿。要配少少黑醋同埋香脆多士一齊食，就唔會太油膩🍞
♦️鹽燒油甘魚鮫
上碟時勁香，油甘魚鮫都幾多肉，加埋少少檸檬汁就更加fresh，又唔會好腥🍋
♦️麻辣鴨血
呢個真係幾辣，見到入面勁足料，有成座山一樣嘅鴨血同埋健康娃娃菜😗 我地仲額外加咗粉絲，粉絲勁索湯，好惹味。
朝日啤酒
啤酒同串燒係最夾嘅，我地梗係要飲返杯😎 店員貼心奉上冰杯🍻 其他品牌嘅啤酒有買三送一嘅優惠，可惜我地酒量一般，飲唔到咁多枝🤣
喺旺角鬧市嘅呢間串燒店除咗串燒之外，仲有好多特色食物可以食，最啱約一大班朋友嚟啦🤩
張貼
