瀛鍋

營業中

休息中

呢間餐廳好適合一大班人聚會，2樓有一間間房，同朋友唱聚就唔怕吵親人了。而地下一層就有一個小朋友play area，小朋友食飽就可以放入去放電，爸爸媽媽慢慢食慢慢傾。特瀛刺身（$168）有三文魚、北寄貝、魷魚同希靈魚，每款各4件，厚切亦都新鮮，平時唔中意食希靈魚，覺得佢無咩味，但呢到做到新鮮好食。鬼馬鴛鴦膠（$68）分別有蝦膠釀油炸鬼同墨魚膠釀油炸鬼，好香脆，而且唔會油膩，值得一試。椰子雞鍋（$288）見住佢倒2個椰汁，再加大約半隻雞，都算多料，雞肉幾好食。鮮蝦水餃皇（$60/ 4件）老細親手包的水餃，唔怪得咁足料好食，的確食材新鮮，而且好大隻，蝦好彈牙。