牛響度麵館 (Aeon Style)

營業中

休息中

今日帶埋朋友同d小朋友一齊，所以想搵個方便嘅地方食lunch，傾咗一陣就決定來aeon。呢到好多麵食，除咗湯麵仲有乾拌刀削麵，十分之吸引，更加好適合小朋友食。首先，叫咗一個小雲吞，粟米豚肉熱拌刀削麵，個醬汁我哋要左招牌蔥油醬，整體嚟講唔會過分之油，但係又有蔥油嘅香味。之後就叫咗個牛筋湯麵同牛腩湯麵，兩個都要咗牛骨湯底，牛腩都算係好腍，牛筋亦都好入味。最後見到竟然有炸餃，所以就要咗個炸韮菜豚肉小雲吞，佢一共有八隻，全部都炸得十分之酥脆！ 最後見到嘢飲都可以跟餐平啲叫埋，所以就要咗白桃果冷泡茶同玉泉梳打。個冷泡茶好好味，茶味夠濃，白桃味清香，唔會過甜。