Morton's of Chicago

一直都知Morton慶祝係最貼心有驚喜既，適逢男友生日一於同佢慶祝下。去之前睇過其他人既食評,見到生日既話會有餐枱怖置，但係去到咩都冇，呢個位有點兒失望。不過侍應姐姐會幫我地影合照送上生日卡，上面仲有最員工既簽名，男友都覺得好窩心。另外，生日會有Special menu，頂頭仲會寫上壽星既名,相當貼心!Starter揀左龍蝦湯，非常非常香濃，好好飲，當中帶點龍蝦殼既苦澀味，味道好有層次。 免翁牛柳+蟹餅蟹餅係真．蟹肉製成，食落啖啖蟹肉好幸福！煎香過既蟹餅仲好香口。而牛柳方面，鎖住肉汁好Juicy，肉質鬆軟。龍蝦尾龍蝦尾好厚肉，比我想像中大隻，肉質爽口彈牙！所有食物中最為驚喜。酸忌廉薯蓉完全食唔出酸忌廉，反而食得出有大量牛油味，所以都幾膩。由於太飽既關係，最後都食唔晒。忌廉粟米粟米夠甜，就係正常既牛油粟米咁，適合飯後當甜品食。Cream Brulee上網見人地生日會免費送上梳乎里＋生日字句，但今次就冇梳乎里，直接喺Cream Brulee放上碟＋生日字句。味道方面好有驚喜!平時最驚食Cream Brulee面層焦糖係唔脆，但今次燒得剛剛好，蛋方面唔會太甜，食到停唔到口。 Lime Pie