影片
更多
2015-01-10
8612 瀏覽
好耐冇見朋友仔，之前一晚先決定打邊爐補祝另一朋友同我嘅12月生日。原本諗住搵辣雞煲類，打咗兩間都要21:30。呢間第一輪18:00始要21:00前交枱，話就話20:30有位但要等。友人準時到達，等嘅時候見到店方同好多客都好熟絡，明明遲過我哋到嘅好似都早過我哋入哂，唔知係訂嘅枱大細唔同定咩原因。不過我哋四個吱吱喳喳咁傾住偈都唔覺唔覺，最後約21:15先坐低。等嗰陣已剔定嘢，一坐低即入單。叫咗招牌湯底“金屋藏嬌”，未落材料先試味，唔係好重雞味，但味道唔錯，材料好豐富有花膠、竹笙、淮山、冬瓜、芹菜等，仲有半隻鮮雞，食落都幾滑。總共叫咗13碟嘢：花雕肥牛食落好腍滑似滑牛，幾重花雕味，唔點豉油較佳，點咗稍鹹。西班牙豬肉唔嚡又夠肉味。黑松露蟹肉餃咬落成口蟹肉又香黑松露味。 脆鯇片新鮮又爽。手打丸尤其鯪魚好濃魚味但冇泥味腥味。其餘仲有兩款餃雙籽鮮蝦雲吞、韮菜，手打丸鮮牛、豬肉、墨魚，冰豆腐，粟米，木耳，蒿荀片，芋絲，芝士腸，油麥菜，基本上全部材料比坊間一般店較高質。結果當然係食唔哂，但卡位座舒適闊落，服務都唔錯，大家都好盡興😄😋
叫咗招牌湯底“金屋藏嬌”，未落材料先試味，唔係好重雞味，但味道唔錯，材料好豐富有花膠、竹笙、淮山、冬瓜、芹菜等，仲有半隻鮮雞，食落都幾滑。
總共叫咗13碟嘢：花雕肥牛食落好腍滑似滑牛，幾重花雕味，唔點豉油較佳，點咗稍鹹。西班牙豬肉唔嚡又夠肉味。黑松露蟹肉餃咬落成口蟹肉又香黑松露味。 脆鯇片新鮮又爽。手打丸尤其鯪魚好濃魚味但冇泥味腥味。其餘仲有兩款餃雙籽鮮蝦雲吞、韮菜，手打丸鮮牛、豬肉、墨魚，冰豆腐，粟米，木耳，蒿荀片，芋絲，芝士腸，油麥菜，基本上全部材料比坊間一般店較高質。結果當然係食唔哂，但卡位座舒適闊落，服務都唔錯，大家都好盡興😄😋
張貼
