影片
更多
2021-02-02
1224 瀏覽
老婆大人話想食buffet作為一個愛妻號嘅老公梗係第一時間訂枱同佢撑枱腳啦！佢鍾意多花臣的自助餐咁就去花月庭食自助午餐喇！開飯有七五折星期日嚟食折咗唔使三佰伍銀一條友但係有夜晚嘅陣容好鬼多嘢食！乜都唔講住先去睇吓有咩日本嘢食先！刺身有三文魚、鯛魚、吞拿魚、八爪魚、馬刀貝同埋魷魚，仲有啲冷麵、玉子燒同手握壽司睇落幾新鮮唔錯噃！至鬼鍾意食刺身喱日最正係三文魚食落肥美滑口，另外馬刀貝都好鮮味可以食多幾件！跟住去睇吓有咩前菜食先一行埋去見到有帕爾馬火腿、南瓜沙律、薯仔沙律、西班牙辣肉腸、雜錦凍肉、意大利莎樂美腸、煙三文魚伴續隨籽、仲有最我最like芝士同乾果正呀喂！隔離仲心勁多款式嘅沙律菜好似有紅椰菜、西蘭花、羅馬生菜、紅邊生菜及西生菜，混個靚醬食又健康又好味！生果有我鍾意嘅西瓜又有老婆大人至愛嘅菠蘿，加埋哈密瓜真係啱晒我哋口味！老婆大人砌咗碟前菜拼盤我哋兩份食！佢仲攞咗我鍾意食嘅杏脯肉乾真抵錫。嗱嗱嗱自助午餐都有生蠔食㗎仲係即開嘅美國生蠔，另外凍海鮮仲有藍青口、沙蜆、新西蘭青口、大蝦同埋雪花蟹爪。生蠔好新鮮食多幾隻回本先嘻嘻！不過新西蘭青口同雪花蟹爪都好鬼有驚喜喎！青口軟綿綿又鮮甜老婆大人拆
乜都唔講住先去睇吓有咩日本嘢食先！刺身有三文魚、鯛魚、吞拿魚、八爪魚、馬刀貝同埋魷魚，仲有啲冷麵、玉子燒同手握壽司睇落幾新鮮唔錯噃！
至鬼鍾意食刺身喱日最正係三文魚食落肥美滑口，另外馬刀貝都好鮮味可以食多幾件！
跟住去睇吓有咩前菜食先一行埋去見到有帕爾馬火腿、南瓜沙律、薯仔沙律、西班牙辣肉腸、雜錦凍肉、意大利莎樂美腸、煙三文魚伴續隨籽、仲有最我最like芝士同乾果正呀喂！
隔離仲心勁多款式嘅沙律菜好似有紅椰菜、西蘭花、羅馬生菜、紅邊生菜及西生菜，混個靚醬食又健康又好味！
生果有我鍾意嘅西瓜又有老婆大人至愛嘅菠蘿，加埋哈密瓜真係啱晒我哋口味！
老婆大人砌咗碟前菜拼盤我哋兩份食！佢仲攞咗我鍾意食嘅杏脯肉乾真抵錫。
嗱嗱嗱自助午餐都有生蠔食㗎仲係即開嘅美國生蠔，另外凍海鮮仲有藍青口、沙蜆、新西蘭青口、大蝦同埋雪花蟹爪。
生蠔好新鮮食多幾隻回本先嘻嘻！不過新西蘭青口同雪花蟹爪都好鬼有驚喜喎！青口軟綿綿又鮮甜老婆大人拆好肉比我食嘅雪花蟹爪唔知點解咁甜嘅哈哈！！
食完前菜又出去睇吓有咩熱嘢食先！每次老婆大人必食嘅海南雞仲係咁靚仔，另外仲有香港人最鍾意食嘅叉燒呀！
隔離係粉麵檔好似車仔麵咁自己揀麵檔，然後再揀餸叫晒全部都唔使驚要食成百幾蚊一碗嘅車仔麵！唉又勾起想當年喺尖東食嗰碗百九幾蚊嘅高級難食車仔麵！
粉麵唔啱食唔怕仲有珍珠雞、豬腳薑，印度咖喱、薄脆、薄餅呀咁，鍾意飲熱辣辣嘅湯仲有羅宋湯和金銀菜甘筍豬腱湯揀。
羅宋湯同金銀菜甘筍豬腱湯兩碗都好多料唔會淡茂茂味道唔錯喎！
跟住要重點介紹喱個烤澳洲M5和牛肩同埋燒腩仔！
烤澳洲M5和牛肩好多汁又嫩口牛肉味好重吓牛迷一定要食過夠本，燒腩仔都好鬼吸引攞咗返嚟影完相食仲好鬼脆皮，最勁係哟肉一啲都唔乾又唔會死咸好好食。
其實仲有超多嘅熱食好似芝士龍蝦汁海鮮闊條麵、迷迭香燒羊髀、泰式青檸蒸比目魚、韓式炆燒原件牛肋骨、柚子麻香炸雞、老婆大人見到心心眼嘅辣酒煮翡翠螺、臘味糯米飯、薑蔥龍躉煲、蛋白蟹柳扒時蔬、黑椒啫啫牛仔骨、蒜香魚鮫和炸黃金流心芝士蝦球，基本想我食嘅差不多有得食太正喇！
樣樣攞啲啲返嚟試吓我覺得最正係薑蔥龍躉又香又有骨落地好味。
老婆大人就最欣賞又香又辣嘅辣酒煮翡翠螺，我都食咗一粒螺肉香夾滑仲好入味添，食到老婆大人耳仔都郁晒。
之後仲試埋熱辣辣嘅天婦羅當我就梗係最鍾意食炸蝦天婦羅啦！估唔到天婦羅又炸得幾薄脆有驚喜喎！
一陣仲要返工都係隊碗返啲飽肚嘢先！咦有生滾粥喎仲有咁多料揀整碗食吓先！
叫咗帶子雞肉粥即叫師傅即滾熱辣辣送到我手，粥底都幾綿食完成身暖晒又飽肚！
老婆大人就梗係要食海南雞飯啦！食完佢話仲係咁好味見到佢個滿足樣我就覺得好幸福喇！
最後仲有海量嘅甜品有蛋糕、即焗窩夫雪糕、凉粉、豆腐花、紅棗雪耳糖水，兩個甜品櫃仲有勁多精美甜品仔多款到不之得了！
不過我最想試喱個香印香檳青檸慕絲蛋糕，但真係食得好飽甜品位置最終只能够留咗比香滑嘅豆腐花！
之後喺自助飲品區整多杯熱奶茶醒醒神後就去返工努力揾錢再請老婆大人去食好嘢！
張貼
