串本屋 (已結業)

餐廳環境帶有日式風情，有木造間隔，牆上有日式畫作，雅座舒適乾淨。餐牌雖然無圖片，但係版面設計唔錯，係磨沙面，易揭又耐用。食物選擇種類好多，想飽肚，有飯有烏冬；想飲酒吹水，有串燒有佐酒小食，滿足到唔同客人。QR code自己落單，快捷又易用。鹽燒牛舌芯牛舌係我去日本餐廳必點嘅，呢度都做得幾出色，彈牙爽口，調味啱啱好。露筍豚肉串估唔到係粗身露筍，食落比較硬，但味道唔錯醬汁燒豆腐串豆腐幾大件，又滑又有豆香，外脆內滑，入口即刻滑入喉嚨，重點係個醬汁，甜甜的，非常惹味。卡邦尼芝士醬焗廣島蠔廣島蠔幾肥美，脹卜卜，表面嘅芝士醬燒到金黃色，焦香芝士內仲有少少煙肉，係卡邦尼嘅味道，推介免治雞肉棒三色套餐雞肉棒味道係汁燒，蘿蔔蓉，明太子。最特別係雞肉棒除左免治雞肉，仲有打爛嘅雞軟骨，lok lok脆，口感一流，出色麻醬撈烏冬烏冬非常彈牙，沾上麻醬，蟹籽同蟹柳，層次多左，好好食。明太子燒飯團有明太子嘅鹹香，脆卜卜飯焦，味道唔錯，如果明太子料多少少會更加滿足。焦糖燒菠蘿菠蘿非常多汁清甜，加埋表面嗰層薄薄的焦糖，係出色的飯後水果。