1988 (已結業)

母親節帶阿媽上黎食泰國野，之前都聽過幾難約，試過一次即日電話bk無位，醒水早d打。入到鋪幾大幾寬躺，設計簡約幾靚仔。坐低一睇menu, 欸 甘少選擇既？可能食開細店 淨係炒金邊粉 炒飯都分 豬 牛 海鮮，呢度得一種，海鮮敏感我無辦法。價錢預左貴少少，工廠區無平價，80-90 貴8-10蚊都合理。叫做三樣野：泰式鹵水豬手，生菜肉碎，泰式炒飯豬手：好冧，唔錯。係唔夠入味，都OK. 生菜肉碎：第一啖入口唔錯，味道夠，岩口味。第二下就開始奇怪，甘多汁。食食下見到成個底都係汁，原來係生菜肉碎湯，新野黎（？）泰式炒飯：食第一啖有d特別，感覺好似荷葉飯甘有種香味撲鼻。咬咬下就奇怪，點解好似甜甜地，仲要飯係濕？好似蒸熱再擺碟，唔似抄出黎。泰式荷葉蒸飯？總結：整體味道一般，可能唔岩口味，覺得唔至於係爆場果種級數，炒作feel比較多。