影片
更多
2021-07-19
245 瀏覽
呢間主打日式料理嘅餐廳想試好耐個名叫米気初頭以為淨係食飯 原來係自由拼砌嘅日式家庭料理便當由米飯 主食 到冷盤 熱盤 甜品多達40-50款食物自己配完全係令我嘅選擇困難症病入膏肓🤯餐廳木系裝修 好有日式家庭feel米飯醬油蛋魚籽飯（期間限定） 其實都係常規嘅醬油蛋飯加咗啲魚籽但個醬油油無得輸用咗福岡蛋食得安心無蛋腥味醬油漬製唔會死鹹帶醬油鮮同甜鱈魚籽唔腥完全係加分💫主食牛肉壽喜燒迷你版壽喜燒啲料都幾齊全菇 豆腐 溫泉蛋 蔬菜 同埋牛肉不過牛肉好大片但份量唔多而且偏肥肉質還可以其他配料都煮得幾入味不過唔夠熱另外壽喜燒醬汁可以濃味啲會更好南蠻炸雞呢個合符預期嘅好食都有三大件 炸得夠脆肉質好嫩滑同juicy面頭淋咗啲沙律醬夾雜咗洋蔥粒呢個必食！冷盤八爪魚沙律八爪魚沙律都好豐富唔係得八爪魚仲有青瓜 蕃茄 蘿蔔等八爪魚切成粒 好有咬口用咗胡麻醬調味甜甜酸酸 不過不失柚子胡椒雞肉沙律柚子沙律汁調味好清新好香嘅柚子味雞肉切成絲 但肉質好乾胡椒味唔算太重酸酸地係幾開胃但個人認為一般熱食忌廉蟹肉餅呢個幾有驚喜蟹肉餅都幾大件炸得夠熱夠哂酥脆一咬啲忌廉汁就山泥傾瀉咁流出嚟差啲焫親條👅好似忌廉湯嘅味 但蟹肉就
個名叫米気
初頭以為淨係食飯 原來係自由拼砌嘅日式家庭料理便當
由米飯 主食 到冷盤 熱盤 甜品
多達40-50款食物自己配
完全係令我嘅選擇困難症病入膏肓🤯
餐廳木系裝修 好有日式家庭feel
米飯
醬油蛋魚籽飯
$38
11 瀏覽
1 讚好
0 留言
醬油蛋魚籽飯（期間限定）
其實都係常規嘅醬油蛋飯加咗啲魚籽
但個醬油油無得輸
用咗福岡蛋食得安心無蛋腥味
醬油漬製唔會死鹹
帶醬油鮮同甜
鱈魚籽唔腥完全係加分💫
主食
牛肉壽喜燒
迷你版壽喜燒啲料都幾齊全
菇 豆腐 溫泉蛋 蔬菜 同埋牛肉
不過牛肉好大片但份量唔多而且偏肥
肉質還可以
其他配料都煮得幾入味
不過唔夠熱
另外壽喜燒醬汁可以濃味啲會更好
南蠻炸雞
呢個合符預期嘅好食
都有三大件 炸得夠脆
肉質好嫩滑同juicy
面頭淋咗啲沙律醬夾雜咗洋蔥粒
呢個必食！
冷盤
八爪魚沙律
八爪魚沙律都好豐富
唔係得八爪魚
仲有青瓜 蕃茄 蘿蔔等
八爪魚切成粒 好有咬口
用咗胡麻醬調味
甜甜酸酸 不過不失
柚子胡椒雞肉沙律
柚子沙律汁調味好清新
好香嘅柚子味
雞肉切成絲 但肉質好乾
胡椒味唔算太重
酸酸地係幾開胃但個人認為一般
熱食
忌廉蟹肉餅
$26
14 瀏覽
0 讚好
0 留言
忌廉蟹肉餅
呢個幾有驚喜
蟹肉餅都幾大件
炸得夠熱夠哂酥脆
一咬啲忌廉汁就山泥傾瀉咁流出嚟
差啲焫親條👅
好似忌廉湯嘅味 但蟹肉就食唔到
不過幾好食
牛油醬油煎安格斯牛柳
牛柳份量唔多
望落去煎得幾靚仔 粉紅色咁
但食落真係乾同韌到好似嚼鞋底咁
而且係冇咩味
呢個真係⋯冇乜事我出返去先⋯
-
細細碟食下食下唔覺就好飽
不過都係每樣食物嘅質素好唔同
有啲係好食 有啲堅失望
好難一概而言論 但勝在選擇多
另外雖然餐廳幾大
但枱與枱之間較逼夾
會坐得有啲唔舒服
張貼
