影片
更多
2018-07-12
1423 瀏覽
為慶祝太太生日，諗住揾間海景法國餐廳，可惜就此飲恨。好早就訂咗位所以安排到向窗口坐位，景觀頗佳但午餐時間向南好熱，所以落咗一半窗簾。先嚟餐包有幾種揀，質素唔錯。海鮮拼盤上枱時異常浮誇，專登叫客人準備好相機先放乾冰，煙霧彌漫咁。生蠔比較瘦而且冇乜鮮味，大蜆有點點鯹，個紅蝦就好唔錯。前菜拼盤整體中上，最有印象係個鵝肝醬，酒味有點太強，但依然幾好食。之後上長通粉，Al dente有啲咬口，些少辣番笳味，調味上略嫌單調。主菜牛面頰，冇乜特別，係Ta Vie, Sabatini 及已經close down咗嘅Steik World Meat我都食過處理得更好嘅。最後嘅重頭戲就係甜品拼盤，因為訂位時已交帶低係慶祝生日，要求佢地幫忙寫「Happy Birthday 」係甜品上面。另外再分別係兩個星期前，及用餐前一日都打電話嚟提醒同確認呢個安排，佢哋亦確認一定冇問題。千叮萬囑嘅結果，就係，乜都冇做，個拼盤上空空如也！我冇即時發難，因為仲心存一絲希望佢哋會唔會其實另外再安排咗件生日蛋糕之類。但到最後發現真係乜都冇。慶祝生日係呢餐嘅目的，當時即刻感覺浪費咗千幾蚊。除此之外，想提一提同場係我哋斜對面嘅另一枱
好早就訂咗位所以安排到向窗口坐位，景觀頗佳但午餐時間向南好熱，所以落咗一半窗簾。
先嚟餐包有幾種揀，質素唔錯。海鮮拼盤上枱時異常浮誇，專登叫客人準備好相機先放乾冰，煙霧彌漫咁。生蠔比較瘦而且冇乜鮮味，大蜆有點點鯹，個紅蝦就好唔錯。
麵包
22 瀏覽
0 讚好
0 留言
海鮮拼盤
24 瀏覽
0 讚好
0 留言
前菜拼盤整體中上，最有印象係個鵝肝醬，酒味有點太強，但依然幾好食。之後上長通粉，Al dente有啲咬口，些少辣番笳味，調味上略嫌單調。
前菜拼盤
22 瀏覽
0 讚好
0 留言
鵝肝醬
19 瀏覽
0 讚好
0 留言
粟米湯
17 瀏覽
0 讚好
0 留言
煙三文魚
17 瀏覽
0 讚好
0 留言
長通粉
16 瀏覽
0 讚好
0 留言
主菜牛面頰，冇乜特別，係Ta Vie, Sabatini 及已經close down咗嘅Steik World Meat我都食過處理得更好嘅。
牛面頰
16 瀏覽
0 讚好
0 留言
牛面頰
19 瀏覽
0 讚好
0 留言
豬肋骨
27 瀏覽
0 讚好
0 留言
最後嘅重頭戲就係甜品拼盤，因為訂位時已交帶低係慶祝生日，要求佢地幫忙寫「Happy Birthday 」係甜品上面。另外再分別係兩個星期前，及用餐前一日都打電話嚟提醒同確認呢個安排，佢哋亦確認一定冇問題。千叮萬囑嘅結果，就係，乜都冇做，個拼盤上空空如也！
我冇即時發難，因為仲心存一絲希望佢哋會唔會其實另外再安排咗件生日蛋糕之類。但到最後發現真係乜都冇。慶祝生日係呢餐嘅目的，當時即刻感覺浪費咗千幾蚊。
甜品拼盤
33 瀏覽
0 讚好
0 留言
除此之外，想提一提同場係我哋斜對面嘅另一枱客人，係兩位港人少女同一個BB，個BB好乖好安靜，反而嗰兩位帶住佢嘅少女就不停大聲講電話，同用手機Video Chat App邊食邊開住Speaker直播俾佢嘅朋友聽同睇。對其他客人做成騷擾，過程中服務員如常咁Serve佢哋而又冇提醒佢哋影響到其他客人。整體用餐感覺異常地差，環境頗嘈吵，完全唔似呢個價位嘅Fine Dining，法國餐廳。
最後建議各位千萬唔好嚟呢間餐廳進行任何慶祝活動。
張貼
