菊月町 (已搬遷) 新店位置

好耐無食過高質的鐵板燒，個個都話work from home ,你估真係個個都可以work from home咩！老細要我返工，我唯有好好善待自己！收工經過觀塘，食左間想試好耐的日本小店！平時見佢都好爆，今日時間尚早竟然walk in都有位！天呀，呢個係一個美妙的安排！全木材的裝修，十分吸睛！一入門口，店員姐姐好好招呼！清潔消毒先！講得好好！見到廚師用心炮製食材！朋友唔食生野，我地點左鉄板燒！廣島蠔，燒到外脆內juice !銀雪魚，魚肉燒完都係滑溜溜！薄切安格斯，超有牛味的！入面包左少許香蔥，張味道昇華！入口即熔！邪惡鵝肝！香氣滿溢的油脂留在口腔歷久不散！最後大大碗炒飯賣飽你！見到型男大廚一手一腳用心去處理食材，下次一定要食個omakase!好在去得早，後尾坐到爆！坐bra枱唔洗驚武漢肺炎！因為個個唔會面對面！抗炎好選擇！