百味鮮辣蟹專門店 (已結業)

今晚一眾飯腳話想食蟹，早幾日我問另一識食老友近排鵝頸橋辣蟹店邊間最得，點知佢就介紹我黎呢間石塘咀德輔道西均益大廈一期近屈地街電車總站嘅「百味鮮」。果然冇令成班飯腳失望，避風塘炒蟹夠香夠乾身，芝麻雞所有人讚話正，其他例如濃湯桂魚片、炒蜆、炸豬手等等都好食，價錢仲要幾實際，唔怪得週一晚上位處人流不多馬路嘅小店，都一直有客人不斷出入，翻到枱做到多過一轉。