8cm Coffee (已結業)

去元朗做body check 諗住去yoho mall 食飯，但係有D早所以睇下附近有咩其他餐廳。。。呢度附近有幾間 cafe，最終揀咗呢間因為地方大D，望落去好坐D，而且早餐1款式多D。外面有兩張枱，可以帶狗狗一齊去。我同個 friend 一人一個餐+黑咖啡，無加一，只收現金或八達通。個薯餅炸得幾好，杯齋啡都可以，鹹牛肉炒蛋都滑，好耐無食覺得好正，仲配埋肥牛角包。整體唔錯嘅，就係無咩 service，但無咩所謂，唔 rude就可以嚕 。早早哋，唔係太多人係幾好嘅一間 cafe。