天外天

都算幾好，食左兩粒；留胃口。兩樣都幾好，80分？但唔會嘩一聲（100分）個種好。但撻皮對我黎講太甜，只食左一小角；鮑魚係淋既。燒賣唔得，好大豬油味，食落都好油，無食晒素餃普普通通，仲諗住唔叫餐，散叫點心，其中一樣想叫佢。好彩無咁做😬蟹肉都係食唔到鮮甜，入面有啲一舊舊既蟹肉唔知撈埋啲咩，好散收收既食落。其實唔明點解會無鮮味，係街市是但買啲海蟹蒸熟拆肉都鮮味架。陳醋珠唔夠味，單獨食一粒珠爆開幾得意。第二舊食上半件都唔係好感受到啲陳醋。老火湯，屋企煲個種，無話特別濃甜。蒸斑件，好滑好夠熱。炒牛肉飯都好高水準，夠鑊氣，但再少油啲乾身啲仲正。合桃露，勁勁勁甜。食左一啖就算飯食三啖都係廢事太頂肚，叫人同合桃酥都打包。佢剩係包左個飯，掉左合桃酥，好浪費。佢重新拎一份俾我，裝幾倍咁多。我都係想拎十粒左右返去食下。太多，放太耐我都會掉😂😂😂 主服務個位好好，但其他人上菜，會速度勁快放底野，講餸名又趕住咁，你唔會聽到佢講咩：呢個係luurlur......lur完即走。幾次都係咁 笑左😅