德記潮州菜館

營業中

休息中

西環德記一向都有好多人排隊，應該幾好食，於是去試吓。都係幾典型嘅潮州菜式，潮州菜裏面當然唔少得蠔仔粥同胡椒豬肚湯，兩樣都整得幾好味，豬肚唔臭，胡椒唔會太辣，個湯亦唔係死鹹。滷水鵝都係好食嘅，份量唔多，都預咗佢會用炸豆腐墊底，不過啲炸豆腐都幾好食。個侍應提議我哋食嗰個炸蝦球同墨魚丸就伏咗，唔知點解加咗好多馬蹄粒，可能我真係唔係好熟悉潮州菜，感覺好怪，結果我哋食剩好多。全晚我覺得叫得最正確嘅係杯鹹檸七，當然因為啲食物比較鹹，所以想飲汽水，不過佢嘅鹹檸檬又整得幾好味。整體來講基本嘅招牌菜都做得幾好嘅。少少貴啦。