綠林甜品

營業中

休息中

今晚拉隊去左深水埗食晚飯，食完之後有人話一定要去食埋甜品先返屋企😏，於是就嚟左綠林。嚟呢間老字號嘅甜品店應該食咩好，冇人答到我，事關打開個餐牌太多選擇，令人眼花撩亂，如果你有選擇困難症嘅話都幾麻煩🤭。最後我們大人就決定食番傳統糖水，比較穩陣，馬來亞咋喳，木瓜燉雪耳同薏米腐竹糖水，扮細佬嗰位就點左oreo燉鮮奶加杯美祿脆脆沙冰，跟住再要左份糖不甩強迫大家share😅🤷‍♀️。六款甜品裡面我地一致認為糖不甩最好味，夠煙韌，甜度適中；另外木瓜雪耳都好味，可能因為佢最難出事啦，燉鮮奶有人話硬左啲唔夠滑溜，其他就普普通通冇乜特別。不過晚飯時食左好多炸野，所以食番碗糖水潤下喉都唔錯嘅。