豚王 (V Point)

營業中

休息中

今晚路經此店，見人龍唔長，一於入內醫下肚。餐牌只有四款拉麵同特別限定，價錢由$88-$98。豚王$88一飲湯底，嘩！豬骨味十足，味道濃郁，仲有少少黏口，正！拉麵掛湯力十足，入囗彈牙有韌性。豚肉是肩位，瘦得嚟有少少肥，入口軟稔，肉味十足，唔錯，如果入口即溶，更好。吃過香港一蘭、魂、一風堂同米芝蓮推介的拉麵jo，個人還是鐘情豚王原味，味道濃而不膩。雖然比唔上曰本的一蘭同日本的一幸舍，但以香港而言，算不錯了。限定王$98（滿腹王）同是豬骨湯底，但是加上許多許多蒜，相對豚王，味道更濃郁同有強烈蒜味。而那五花腩，肥瘦相間，十分肥美，肉雖嫩，但真的肥爆。可能個人對蒜的興趣不太，有感蒜味太重，蓋過了豬骨湯的鮮甜味了。新不如舊，還是原味比較好。