三木日本料理 (已結業)

行過尖沙咀，見好耐冇食壽司刺身放題之類， 咁見上次食三木都唔錯 咁就同女朋友一齊食多次三木拉。其實呢度啲刺身非常新鮮， 壽司種類有多， 油甘魚腩壽司海膽壽司，都非常好食。不過有樣嘢唔好，就係刺身唔會俾油甘魚腩你，一定要叫壽司先會有油甘魚腩。 同埋呢度啲海膽壽司有少少飄忽，就好似我上一次的海膽壽司係唔好食嘅，今次我住只少食咗十件海膽壽司，係非常鮮甜嘅。由於今次嘅目的係想的食壽司同刺身，所以我冇加錢食佢個燒海鮮。你燒得海鮮就唔會有時間食刺身同埋壽司，咁會覺得有少少浪費。今次甜品又有新驚喜，就係榴槤雪糕粒雪糕裏面仲有榴槤肉添好好食呀。另一推介就係焦糖燉蛋，可以媲美出面嘅甜品店。