Enjoy Chef (已結業)

第二次寫呢間餐食評, 離開呢區工作, 已接近年多，原來荔枝角也變了不少。相約好同事交收加個 Fine Dining 是常識吧 必然去我心水餐廳 Enjoy Chef 太約六點半到, 職員見我倆 行裝大包+細包, 便安排坐近門口位置,  實在貼心 。點了兩 set (七折餐)  頭盤、餐湯、主菜、咖啡或茶 and 仲有甜品 頭盤： 火炙吞拿魚配蟹肉酥皮盒、 吞拿魚加配蟹籽及黑醋汁夠鮮味醒胃；酥皮盒焗得不錯，牛油香夠鬆及脆口加蟹肉好配搭。餐湯:：黑松露什菌忌廉湯 主菜：香煎低溫慢煮加拿大極黑豬扒、好味到爆燈，淡淡粉紅色，超淋肉質， 不是死實實般，一碟豬扒也有兩種醬汁選擇。甜品 ：檸檬慕斯、及格。甜品加寫有 Happy Birthday。要順帶一提， 職員真的好貼心, 下午覆枱時多次問及是否需要寫生日朋友的名字, 我話不用。