古今二 (荃灣千色匯I) (已結業)

今日係荃灣行街，經過一間叫「古今二」既日式餐廳，見到平日既lunch set有丼飯、定食、拉麵、刺身飯等十幾個選擇，而且送一杯熱飲，同埋可以追加壽司小食。不過由於今日同行有位唔食生野，但又好鍾意食日本既朋友係隔離，於是就叫店員幫忙介紹左幾樣岩食既食物：龍捲風沙律，超級龍捲風，炸雞芝士卷，日式章魚燒及芝士年糕一共五樣菜；店員好快就送上第一道菜：龍捲風沙律，一上枱見佢都真係好似龍捲風咁勁，滿滿嘅蟹柳、蟹籽、沙律菜同海藻，配埋少少酸辣嘅醬汁，最特別就係加啲脆片落去，的確係開胃一流；之後就到日式章魚燒同埋芝士年糕，味道唔錯，尤其係芝士年糕，有拉絲，夠熱夠芝士；最後就係超級龍捲風同埋炸雞芝士卷一齊同碟上，滿滿既一大碟，超級龍捲風原來係吉列炸蝦加蟃魚卷，醬汁加上脆片，食落都幾特別。