影片
更多
2018-01-22
785 瀏覽
平時經過觀塘分店成日滿座，聽講有時仲要大排長龍，好疑惑究竟呢間茶餐廳有乜特別，原來荃灣都有分店，仲要唔洗排隊，梗係即刻食個下午茶啦! 雖然話唔洗等位，但入面都坐滿晒人，要搭枱，卡位有d迫。叫左最邪惡嘅招牌芝士流心西多 ($28)，新鮮即炸，擺上枱已經聞到好香，多士上嘅牛油好快就熱溶左，望住d牛油，再加埋煉奶，真係有d猶疑😅，不過豁出去啦!雖然切開後芝士無流心，但味道唔算太漏，又唔太甜，好快就食晒🤦🏼♀️仲有脆炸雞翼伴薯皇 ($32)，薯角同雞翼雖然炸到過乾，但雞翼肉質仍然嫩滑，仲好惹味!以咁嘅價錢食到咁大份下午茶，真係好抵，唔怪得知咁多人幫襯啦! 見到佢d包都好吸引，下次再試! 😁
叫左最邪惡嘅招牌芝士流心西多 ($28)，新鮮即炸，擺上枱已經聞到好香，多士上嘅牛油好快就熱溶左，望住d牛油，再加埋煉奶，真係有d猶疑😅，不過豁出去啦!
雖然切開後芝士無流心，但味道唔算太漏，又唔太甜，好快就食晒🤦🏼♀️
仲有脆炸雞翼伴薯皇 ($32)，薯角同雞翼雖然炸到過乾，但雞翼肉質仍然嫩滑，仲好惹味!以咁嘅價錢食到咁大份下午茶，真係好抵，唔怪得知咁多人幫襯啦! 見到佢d包都好吸引，下次再試! 😁
張貼
