Cookie DPT (已結業)

自己係cookies愛好者，呢日行過海港城，目光一直被佢地嘅巨型曲奇吸引住！記得有好多款可以揀，今次揀咗3塊分別係經典朱古力味、brownies，花生醬味！店員畀我嘅時候，我真係有畀佢嘅重量嚇親，相當重手！雖然一塊差唔多$40，感覺有啲貴，但份量真係俾足你！我一個人幾乎用咗5日，分開食先食得晒3塊！經典朱古力曲奇～超鐘意食朱古力嘅我，呢塊曲奇真係好滿意好滿足，對住超香嘅牛油同朱古力味，真係完全無抵抗力！厚身得黎，中間帶少少煙韌！布朗尼夾心曲奇～呢個都係必食，中間夾心夾住成舊brownie，超邪惡之選，呢個口感偏似蛋糕！花生醬曲奇～呢個反而有少少失望，花生醬味又唔算真係好香！