影片
更多
2018-06-15
431 瀏覽
今日打完波返到屋企附近都已經十點幾雖然附近有太安樓 但係天氣咁熱 想搵個坐得舒服d又有冷氣既地方食宵夜 就去左太安樓對面既呢間茶餐廳啦入到嚟發覺都幾多人食就快十一點都有九成檯有客人 可能因為呢度有宵夜餐宵夜餐雖然唔算特別平 但係選擇都幾多大部分都係宵夜必食既邪惡炒野亦都有light d既三文治或者湯麵我同個friend叫左一個黑椒肥牛炒烏冬同埋XO醬豬頸肉炒一丁share嚟食食物份量以宵夜嚟講都算幾多炒烏冬食食下都幾辣 但係辣得好惹味烏冬雖然稱唔上好彈牙但都唔會淋曬 肥牛大大片 肥瘦適中唔會加入好多芽菜 所以啖啖都食到好香既烏冬炒一丁我覺得更加好食佢炒得夠乾身 唔會一pat patXO醬好香 我覺得唔算太辣叫入左好多肥美既豬頸肉下次嚟我會再叫呢個預左茶餐廳既炒野都係偏油但我覺得呢間可以接受至少唔會油到食完會成嘴油咁再啖埋杯凍飲 真係一個perfect既宵夜啊
雖然附近有太安樓 但係天氣咁熱 想搵個坐得舒服d又有冷氣既地方食宵夜 就去左太安樓對面既呢間茶餐廳啦
入到嚟發覺都幾多人食
就快十一點都有九成檯有客人 可能因為呢度有宵夜餐
宵夜餐雖然唔算特別平 但係選擇都幾多
大部分都係宵夜必食既邪惡炒野
亦都有light d既三文治或者湯麵
我同個friend叫左一個黑椒肥牛炒烏冬同埋XO醬豬頸肉炒一丁share嚟食
食物份量以宵夜嚟講都算幾多
炒烏冬食食下都幾辣 但係辣得好惹味
烏冬雖然稱唔上好彈牙但都唔會淋曬
肥牛大大片 肥瘦適中
唔會加入好多芽菜 所以啖啖都食到好香既烏冬
炒一丁我覺得更加好食
佢炒得夠乾身 唔會一pat pat
XO醬好香 我覺得唔算太辣
叫入左好多肥美既豬頸肉
下次嚟我會再叫呢個
預左茶餐廳既炒野都係偏油
但我覺得呢間可以接受
至少唔會油到食完會成嘴油咁
再啖埋杯凍飲 真係一個perfect既宵夜啊
張貼
