影片
更多
2018-06-22
216 瀏覽
同幾位朋友約左喺荃灣食飯，當中有人話去鳥山名食，仲包保啱啱去完日本嘅我都未食過牛腸鍋。牛腸鍋？真係未試過， 但對於我呢個重口味嘅人， 完全開正我嗰範！ 有朋友聽到之後面露難色 ，好彩提議去呢間餐廳果個朋友即刻話果度有佢至愛的日式湯麵，一定唔會令佢失望。一行人到達D-Park，好彩朋友帶路，因為底層有商鋪裝修緊圍哂板，唔留心真係唔覺有條巷仔行得入去，餐廳原來就係玩具反斗城隔離。裝修幾靚，尤其鐘意佢天花的設計，係入口同坐低後望過去所睇到的好唔同。因為閒日，好快就有枱，我地有得坐卡位，好舒適，啱囇傾計。見到旁邊一排酒樽display，可惜揸車黎，無得飲酒。餐牌無論食物或飲品都比其他日式餐廳多好多選擇，價錢有平有貴，豐儉由人。我即刻就點左個串燒鷄心($28)，牛油果軟殻蟹反卷($52/3件)，當然點埋博多牛腸火鍋($150)，原來佢好似中式火鍋咁，可以加配料加湯的食法。朋友就叫左炙燒三文魚腩左口魚背玉子飯配手打牛肉烏冬($100)，吉列豬扒手打烏冬($82)，醬油漬牛舌拉麵($88)同炸魷魚軟骨($45)。朋友的刺身飯+烏冬先到，兩個都係迷你版，啱哂貪心想試多啲嘢的人。雖然睇落似女士size，
牛腸鍋？真係未試過， 但對於我呢個重口味嘅人， 完全開正我嗰範！ 有朋友聽到之後面露難色 ，好彩提議去呢間餐廳果個朋友即刻話果度有佢至愛的日式湯麵，一定唔會令佢失望。
一行人到達D-Park，好彩朋友帶路，因為底層有商鋪裝修緊圍哂板，唔留心真係唔覺有條巷仔行得入去，餐廳原來就係玩具反斗城隔離。
裝修幾靚，尤其鐘意佢天花的設計，係入口同坐低後望過去所睇到的好唔同。因為閒日，好快就有枱，我地有得坐卡位，好舒適，啱囇傾計。見到旁邊一排酒樽display，可惜揸車黎，無得飲酒。餐牌無論食物或飲品都比其他日式餐廳多好多選擇，價錢有平有貴，豐儉由人。
我即刻就點左個串燒鷄心($28)，牛油果軟殻蟹反卷($52/3件)，當然點埋博多牛腸火鍋($150)，原來佢好似中式火鍋咁，可以加配料加湯的食法。朋友就叫左炙燒三文魚腩左口魚背玉子飯配手打牛肉烏冬($100)，吉列豬扒手打烏冬($82)，醬油漬牛舌拉麵($88)同炸魷魚軟骨($45)。
朋友的刺身飯+烏冬先到，兩個都係迷你版，啱哂貪心想試多啲嘢的人。雖然睇落似女士size，但呢位男友人食完都覺得ok飽，仲讚果2款刺身同係日本食到嘅一樣咁好味，燒過後好香油香味。但佢最欣賞係個湯烏冬！湯底好清甜，烏冬煮得啱啱好，有咬口，而牛肉亦唔會過熟，重牛肉味。聽完我都忍唔住試左少少，又真係幾好味喎！
炙燒三文魚腩左口魚背玉子飯
15 瀏覽
0 讚好
0 留言
手打牛肉烏冬
10 瀏覽
0 讚好
0 留言
吉列豬烏冬個湯底應該係同個牛肉烏冬一樣嘅，豬扒炸得都唔錯，仲配埋椰菜絲沙律另上，可以慢慢食，唔驚浸淋。
吉列豬扒手打烏冬
18 瀏覽
0 讚好
0 留言
另外朋友的牛舌拉麵係黑蒜油湯底，相對係來就香濃好多，要讚下師傅刀功，碗麵有超過10塊牛舌，每塊都切得幾薄身，但食起來依然有質感，咬落爽口！呢位朋友係慢世魔君，食到尾佢話個拉麵都無變得淋囇。
醬油漬牛舌拉麵
18 瀏覽
0 讚好
0 留言
炸魷魚軟骨的份量都有驚喜，唔怪得朋友話點黎一齊食。食完大家都讚，佢質感唔同炸鮮魷咁軟身；亦唔同鷄軟骨，佢係爽口，而唔係爽脆，而且每粒都大大粒，有嚼勁，食完一粒又一粒。
炸魷魚軟骨
21 瀏覽
0 讚好
0 留言
我的串燒鷄心好好味，難得燒完都仲咁juicy同tender，個汁啲味好夾，至怕有啲地方的燒汁整到又甜又膩。
串燒鷄心
7 瀏覽
0 讚好
0 留言
個軟殻蟹反卷都幾好，牛油果夠熟，creamy，配埋炸得香口的軟殻蟹。
終於等到主角牛腸鍋出場，有好多蒜片，椰菜，九菜。好濃味，牛腸炆得好軟淋，好香。雖然知道係高膽固醇，但真係忍唔住食完一碗又一碗，唔係成日食，唔緊要啦。(一路打，一睇番張相又想食……) 可能原意係用來加湯做火鍋，所以我原煲食到尾段時有啲咸。
博多牛腸火鍋
20 瀏覽
0 讚好
0 留言
成餐飯都係$600，好抵。雖然今晚唔太忙，但餐廳都有好多staff，好勤快咁幫我地收碟添茶，上牛腸鍋時主動上碗仔同匙。
食完今次，下次出糧後要搵班重口味的朋友再黎食牛腸鍋，兼可以試下啲刺身同sake，因為前面果枱啲刺身好似好正咁……
後話：我食左起碼半鍋牛腸鍋，之後就算返到屋企都唔覺口渴，証明佢個湯濃得黎應該都無落味精。
張貼
