琦興餐廳

營業中

休息中

深水埗一直只係行下腦場，鴨記，好少行大南街一帶，原來開咗唔少文青店，行完食個下午茶，醒起附近有間琦興，以巨炸肶出名，雖然邪惡，但點都要會一會佢。門面，內部裝修都係新派茶餐廳格局。其實，睇佢個餐牌，晚飯都好多小菜選擇。不過，一心來會巨肶，其實都唔洗睇其他選擇。$37巨型生炸雞肶下午菜餐，飲紅豆冰，菠蘿冰，仲可以加$5加沙律或薯條。真係夠晒邪惡！終於巨肶上枱，真係重量十足，比起細個咸豐年代大家樂炸肶重手大件！炸肶最基本皮脆，大家睇相都知一定過關。肉質方面，阿廚可能無睇火，係炸得有d過火，入面肉質有d乾。整體比7分，大件抵食，味道唔錯但有改善空間。至於菠蘿冰，雖然菠蘿都唔係咩值錢野，但差不多成杯都係，都係少見。