芝士冰室 (已結業)

之前見到報道介紹深水埗開咗間以芝士為主題嘅冰室 作為一個芝士愛好者 點會唔去一探究竟😎一踏入芝士冰室就比牆上大幅嘅漫畫搶咗視線 色彩鮮艷嘅壁畫係由本地漫畫師操刀🎨餐牌上有大量芝士食品選擇 而且用咗5種芝士去調制▪️特濃芝士煙肉焗通心粉一上枱已經聞到香噴噴 呢度嘅芝士汁調到呈橙色 好香濃👍🏻足夠撈勻成個粉有餘 除咗芝士汁 面頭仲有一層焗芝士 輕易做到拉絲效果🧀煙肉份量亦都算多 每一啖都充滿醎香 好滋味▫️流心芝士雞扒芝士撈講到芝士 又點少得撈公仔麵呢🍜淨係芝士汁都有五款選擇 招牌/鹹蛋/南洋/蒜香/麻辣 夠晒創意❤️不過第一次嚟食 一定係試咗招牌先 濃郁嘅芝士汁 就算食得慢都冇變稠嘅跡象 雞扒炸得幾脆 芝士釀喺入面 流心效果都做得唔錯 口感同味道嘅層次都再提升左▪️香脆炸雞翼醃得好夠味 炸粉好薄 每咬落去都有咔咔聲 估唔到咁脆🐔▫️芝士奶蓋紅豆冰▪️爆檸粒粒檸檬茶呢度都有唔少特色飲品 而且勁大杯🥤芝士奶蓋鹹香味十足 紅豆夠甜 而爆檸粒粒檸檬茶係用台灣香水檸檬 比一般檸檬更fresh 預先已經切粒 唔洗自己篤🍋