樂天皇朝 (利舞臺廣場) (已搬遷) 新店位置

我朋友生日想食上海菜，佢原來一直都想試依間上海菜，所以我地都唔諗咁多，就按壽星女指示啦。依度最有名既係八色小籠包，但我地無叫到係因為每色每種味道都唔係樣樣鍾意，所以散叫左想食既味道小籠包，我地叫左兩款味道既小籠包同四款菜。人參小籠包: 有少許人參味，味道帶有甘苦味，但味道顯然唔算好特別麻辣小籠包: 聞落有麻辣味，但食落無麻辣味，味道同人參小籠包一樣唔算特別，令願叫返原味食返真正既肉汁味道竹筒剁椒魚片: 離遠已經聞好重辣椒味，魚片肉質嫩滑，入口即溶，味道夠哂辣又足料，正紅棗糯米: 本身我同朋友們都好鍾意食紅棗，配埋糯米軟熟得黎，口感又煙煙韌韌，好好味，食完感覺暖身又補身炒辣子雞: 份量較少，雞肉粒細得黎仲要少過辣椒份量，雞肉唔會好乾身，食兩啖就食完咁，不過都炒得幾香榴櫣小籠包: 咁大個女都無試過熱食榴櫣，估唔到咬一小啖，已經芬香撲鼻，對於鍾意食榴櫣既朋友一定like最後我地當然準備左生日蛋糕比壽星女，唔洗另收額外費用，今餐大家都食得滿足又開心，小菜大致上都唔錯，小籠包都係食返原味保險D。