Lab Made 分子雪糕專門店 (已結業)

分子雪糕，讓我想起分子料理，嚟之前聽過朋友討論，面書又見其踪影，但究竟係咩？我真係搞唔清楚，恕我冇特別去深究佢有幾巴閉，今日路過，見人唔多，姑且一試。眼見有兩個櫥窗，A/B及C/D，原來係代表4款唔同口味雪糕既Collect Point。4款口味分別是栗子﹑英式杏仁蛋糕﹑白朱古力配草莓醬及抹茶。前兩者$44一杯，後兩者則平少少$39。可能我真係唔識這個品牌，冇諗過只得4款雪糕咁少，諗左一陣都係食番至愛既抹茶啦！(其實我可以好揀擇好心多的，但呢度冇乜得揀)付款取飛後，企喺店側邊等吃，期間不乏食客前來購買。等左10分鐘，D櫥窗下既顯示屏顯示我的票號，終於有得食嘞！杯子小小但都有兩球雪糕，淡淡抹茶綠色看上去沒什麼特別，吃一口雪糕口感幼滑，抹茶味有但唔算好濃，我唔明同氮有何關係，分子因素在哪？對我嚟講只係普通雪糕一杯，定價$39而有兩球，唔算好貴，冇乜期望當普通雪糕吃的話試下無妨。