御品軒 (已結業)

記得佢哋剛開張時食過一次，對佢哋嘅雙皮奶印象猶深。响doraya食完後欲搭車返歸，路經此處，太太問使唔使食番碗雙皮奶先走。哈哈，仲使講，梗係"使" la...份量依然極小，但就賣成十八大洋一碗，小弟嗰碗加有所謂嘅北海道紅豆嘅雙皮奶仲要加多五蚊，直頭跡近搶錢。但諗深一層，間舖身處銅記黄金地段，唔貴至奇la..奶味依然極香，質感依然挺滑，但最衰自己貪得意加上罐頭紅豆，D紅豆味蓋過大部份嘅奶香，唉...大浪費...都係太座醒目，淨叫雙皮奶，實冇走雞....