嫦記 (已結業)

坦白講，可能是明星效應，其實這裡的食物很一般。風沙雞細隻無咩肉，亦都炸得太乾，其實風沙雞是將雞隻淋滾油而非成隻放入去炸，咁樣至做到外皮脆而入面雞肉嫩滑，當然隻雞亦要大隻好肉至得。講來講去都係果句，要食正的風沙雞請去東寶。百五蚊一隻非常唔抵。雞燉翅則唔錯，雖只用盆翅，但真係俾幾多翅。鍋貼小棠菜是炸小棠菜釀蝦膠，唔知炸菜有何特色，炸左的蝦膠亦唔係好特別。價錢絕對是中上價，食物是中等質數，與高水準的大排檔如北角東寶或深水涉強記仲有一段距離。仲要花時間等位？梗係食唔過啦！