生記粥品專家

營業中

休息中

上個星期六，朋友仔約去上環整d嘢，之前搵定有咩好食，決定嚟哩間出名粥鋪試吓。總鋪得幾個位，好在佢前面開多咗間大鋪，唔係唔洗食。本來想叫艇仔粥，但估唔到佢係冇的...最後惟有要咗豬肉丸粥，朋友們要鯪魚球粥、牛根河 & 牛腩麵。食牛腩麵個朋友話唔好食，湯低冇味；食牛根麵朋友話一般，d牛根勁"un"；我就覺得粥底一般，唔算係好綿，鯪魚球ok，豬肉丸有個朋友話完全唔掂冇味，不過本人就覺得可以接受，都唔需要點佢俾0既豉油。味道一般，但要$21一碗好似貴咗d，都唔知點解會咁出名...