影片
更多
2010-09-17
18 瀏覽
用$298買一個$880嘅二人套餐,感覺好抵,所以去試吓...未去之前都有睇吓其他人嘅食評,所以未去之前都已經有一定心理準備.....亦同男朋友講,如果唔好食,最多落樓下食米線....1.波士頓龍蝦湯一早已經知道個龍蝦會有wasabi味,一飲落去又覺得幾攪笑喎...好似食緊一啲流質嘅明太子壽司咁........我真係用哩個形容詞形容啲龍蝦...因為佢一定唔係新解嘅味道....就正好阿so話沙律係活潑一樣....2.龍蝦沙律....都幾大碟,不過沙律汁好似唔駛錢咁...勁多..佢地用番龍蝦湯個啲龍蝦,......就好似有好多沙律醬嘅明太子壽司嘅味道.....3.塔斯曼尼亞羊奶芝士焗生蠔一人有兩隻....一放低個下,嘩!!!個味真係好"蘇"....好有驚喜......我地覺得佢啲蠔殼好似係番用.因為生蠔同個殼一啲都唔"痴"住.好似大家都好獨立咁.點解個殼咁大,隻蠔咁細嘅.仲有佢個汁當然好食喇....食清楚啲,就係頭先龍蝦湯扮汁拎去焗咋嘛.我地個啲又唔係好多芝士,個面唔係焗得好燶.一個湯嘅材料,做出三款餸...勁呀.不過前菜都ok,已經食到有啲飽喇.到主菜喇.我地點咗羊架同肉眼扒份量都幾多.
未去之前都有睇吓其他人嘅食評,所以未去之前都已經有一定心理準備.....亦同男朋友講,如果唔好食,最多落樓下食米線....
1.波士頓龍蝦湯
一早已經知道個龍蝦會有wasabi味,一飲落去又覺得幾攪笑喎...好似食緊一啲流質嘅明太子壽司咁........我真係用哩個形容詞形容啲龍蝦...因為佢一定唔係新解嘅味道....就正好阿so話沙律係活潑一樣....
2.龍蝦沙律....都幾大碟,不過沙律汁好似唔駛錢咁...勁多..佢地用番龍蝦湯個啲龍蝦,......就好似有好多沙律醬嘅明太子壽司嘅味道.....
3.塔斯曼尼亞羊奶芝士焗生蠔
一人有兩隻....一放低個下,嘩!!!個味真係好"蘇"....好有驚喜......我地覺得佢啲蠔殼好似係番用.因為生蠔同個殼一啲都唔"痴"住.好似大家都好獨立咁.點解個殼咁大,隻蠔咁細嘅.仲有佢個汁當然好食喇....食清楚啲,就係頭先龍蝦湯扮汁拎去焗咋嘛.我地個啲又唔係好多芝士,個面唔係焗得好燶.
一個湯嘅材料,做出三款餸...勁呀.不過前菜都ok,已經食到有啲飽喇.
到主菜喇.我地點咗羊架同肉眼扒
份量都幾多.有四件羊架.仲有好多薯角同西蘭花.
肉眼扒就差啲喇.好似牛腩咁,"鞋"咗啲,我男朋友食咗一啖就冇食lu,佢話仲差過大家樂.諗諗吓又係喎....我地都食剩好多薯角同西蘭花.因為真係好多...
到咗甜品喇.我地叫咗心太軟.
個心就軟,不過個皮就係硬呢.....仲有一整開個心太軟都冇朱古力流出嚟,食到一半都冇哂朱古力lu.
嘢飲我地叫咗凍檸樂(原價錢58),金"菠"邏(金枯,菠蘿沙冰),都ok呀.
仲有,好彩我地book窗口位.可以睇到一個好靚嘅維港景,不過佢個窗框真係唔太高亦唔太矮,啱啱係你個視線嘅高度.....我地王甘因為個窗框讚嘆咗好幾次.
overall:
嘢食都ok,不過份量太大喇,如果可以做得精緻啲就好.
service都幾好架....都幾細心,會一早攞定枝茄汁畀我地,
環境都ok呀.不過就黑到連menu都睇唔到要朋友攞枝電筒仔出嚟照住睇menu.
如果可以拆咗個窗框就好喇....因為佢個高度同闊度都太天衣無縫...我男朋友睇唔到個海景....
$298我覺得都ok,都幾抵食,如果要正價$880....我點都唔會食.因為一啲都唔值.我都唔知解佢又真係有啲人用正價嚟食喎.
其實佢主菜都唔係好貴,百零蚊一款,不過嘢飲基本上都要$58up.
如果有四折,我都會再諗吓去唔去,不過機會都唔大lu.
張貼