Bayview Restaurant Sashimi Oyster Bar (已結業)

從來未試過有一間餐廳可以用地獄去形容, 明將都只係好難食,今日終於遇到啦...好難飲既餐湯, 希到好似水咁, 咩黎嫁...係個杯幾特別囉...咩事個沙律係中式沙律都算啦, 仲要少成咁, 所謂龍蝦係用味精醃既, 食落就係味精加硬膠咁既感覺焗蠔算最正常, 但真係一般般, 蠔好細隻又冇海鮮味, 係面頭D醬有少少味道田螺可以乾到好似食緊泥膠咁, D薯蓉又琼晒油, 好痴線呀

其實我都唔係太明, 點解有間餐廳可以難食到咁既地步, 但世界無奇不有, 真係可以有既如果可以的話, 我想比負分個咩咩沙律又凍又難食, 三文魚咸到臭, 其實我唔介意你煮熟佢先嫁, 如果係咁唔新鮮既話飲佢個白湯仲有趣, 好似飲膠水咁, 一PAT漿糊, 唔好咁啦, 話晒都做生意, 起碼比少少味精啦唔該牛扒就預左佢唔好食, 但都估唔到咁多筋咁UN, 鬆肉粉都要慳, 真係多謝晒算啦唔想再講!

星期日，一點半。我同男友一上黎，間野重未開門？大大張紙寫話開一點嫁喎？到我等到兩點，個老闆終於返黎開門。但係一人到我真係想講，你唔係呀？d檯痴立立，又一陣味，周圍重有蚊飛飛下。食店衛生好重要囉！個第一印象好差。當初見佢團購58$好似幾抵，點知道人真係唔應該貪平。野食唔使多講，明明岩岩開舖，d野都可以係凍冰冰，而且又細份。真係唔明佢點做生意。團購話明係羊架意粉，蟹粉意大利飯。上到黎一句話菜單會因時節而改變就比埋d完全唔同嘅野。貨不對辦！依間野真係不知所謂，做生意想留客就應該做好d基本嘅野。響d禁嘅環境食，簡直係受罪！想同大家講，幾平都唔好黎試！

見到OPENRICE話呢間餐廳佢既食家推介有黑松露帶子扁意粉、心太軟、木槺蛋糕、芝士焗生蠔,又見有團購,好吸引咁,於是就買左去食....好歡喜,因為一入去就有位坐,其實係因為成間野都無人,我都唔知點解,但係一入到去,不但唔帶位唔問幾位呀盛,仲連水都無杯算了,一坐低,上左生蠔....可惜食落口好多沙,而且又好大陣唔識形容既味,用檸檬汁都遮唔到D味上沙律,我唔知係佢新鮮摘定點,唔洗又唔揀,好多黑色點點=.=....無計太肚餓只好自己揀黎食到主棻,黎左碟意粉....雖然細碟.但賣相幾吸引,當問佢拎完隻叉之後就馬上食,賣相真係唔錯,可惜除左無味之外,就係凍既,唔怪得可以砌到咁靚甜品係雪糕,唔知係咪我個口大,個SIZE係可以一啖就放晒入口....但雪糕上既時候已經溶溶地!野飲唔多講喇,因為好難會沖到連口都入唔到,所以唔提最後想嗌佢吸引到我既心太軟,木槺蛋糕,芝士焗生蠔........通通都無真係無奈到唔知有咩好講總括而言,唔係見團購58蚊同依個吸引既食家推介我有錢都會食好D,最後係樓下隔離篤左串魚蛋就算

首先, 一入到去完全無人理兼有陣怪味,坐低之後,收左張團購coupon 就乜都唔問,餐牌又冇個,(之後好快比左2隻生蠔敷衍住我地先)…隔左2mins問佢係咪有餐牌,佢就話"好忙, 要等等"…之後落單佢就話主菜得返兩款,原先既羊架意粉因為"每日餐牌會轉"依個原因所以冇,只係得巴馬火腿or煙肉意粉可以揀…再問點解冇團購網上既"鮮蠔蟹膏意大利飯",佢就話"吖…依個有"最後點左"意大利飯"同"巴馬火腿意粉",佢上左個湯先,但無奈地個湯係凍既, 仲要連餐具都冇俾!! 要問佢先俾!!!之後到所謂既"鮮蠔蟹膏意大利飯"不單止隻蠔唔見左,成碟野除左凍之外,味道同普通忌廉汁既飯一樣,而且成碟野只係搵到一粒仔貌似蟹膏既東西…完全比佢作出嚟嘅菜名呃到!!!!到意粉,首先個意粉係凍既,d汁又甜仲有塊巴馬火腿有條毛係度食食下發現應該個餐有個沙律,點知佢竟然話賣晒又冇貨,個陣只係下晝兩點幾,咁好賣架d 沙律???總括而言, 呢間餐廳真係一次就夠!!!! 永久Blacklist!!!!!都預左團購餐, 要求唔可以太高!!!!但係呢間真係過份!!!!…轉餐牌轉到"羊架"同"鮮蠔"都冇埋!!!!! 太過份!!!!!!*

之前晚上去過E間野，係間BAR，想唔到日頭係另一回事。團購五十幾蚊有個lunch/ tea, 咁就買兩張試下。3pm 上到去，只得我地兩位。先來頭盆 - 又瘦又污糟GE生蠔兩隻。一月比南非蠔你食就當然瘦到無朋友，但瘦唔緊要，點都唔應該有泥係蠔肉上面掛?沙律 - 酒BAR nuts 兜仔size, 最慘係D菜又乾又謝，在家煮飯一早就掉左，咁都仲可以比客食，仲要有一舊發霉!:湯 - 開罐意粉醬倒落個碗度就食得。主菜 - 得我地兩個客，整個意粉要超過半個鐘，以為乜野咁驚為天人，想唔到係一人一碟得掌心咁大份量GE意粉，味道更加唔好提，早知留番個意粉醬"湯"去撈無咁嬲!:餐飲 - 熱檸茶，熱啡，算係唔錯。既然無心做，又何苦做團購比個機會更多人試到D咁無水準GE野? 比個機會人地比劣評?我諗佢地都係做番BAR好D。

之前係團購網見幾平諗住一試無妨但結果係完全失望本身BOOK左八點半早到左半個鐘一開門係冇人理你甚至係我行入去都唔知有人入黎都算雖然早左但係佢有位淨照俾我入心諗都可以接受地方就唔好預佢好坐場細但都算有情調個海景就叫可以接受0既不過唔值得我去影相唔單止個景D食物更加唔想影!先黎個煙三文魚沙律係一早撈定係雪櫃拎出黎的呢個沙律純粹係生菜一堆加沙律醬中間擺一捲仔煙三文魚個份量仲少過一個花之戀OK FINE第二樣係黎個唔知乜鬼野煮蜆個汁的確係0岩我口味但係未至於係好味基本上食完第一樣我都冇再期待任何野所以有沙呢件事我係接受左第三樣係黎碗海鮮忌廉湯碗湯就橙色0既都幾黏0既但係味道我真係唔知因為係冇味道0既飲左兩啖我都放棄左第四樣係個蒜蓉多士呢個係成個MEAL我唯一覺得係OK0既野不過都係唔夠茶記0既好食第五樣係烤羊膝呢個係我係呢餐最錯0既決定我極度奇怪點解佢可以硬到我鋸都鋸唔開如果我係同女黎咁咪盡失霸氣?硬都算我牙力好咬左十分鐘我都可以吞到落去但係我食唔到有羊味食左一部分肉我同朋友都放棄不過骨多過肉所以都係一人兩啖咁LA第五樣係黎左個蜜汁烤豬肋呢個容易切要SHOW刀功晒霸氣都OK第一啖咬落去我突然懷

今次係朋友帶我嚟,我平時好少上樓上cafe或食飯. 首先講下地方,地方好細,約有十幾个位,裝修唔係豪華浮誇但幾舒服.景觀ok la,雖然唔係什麼大海景,起碼唔駛樓望樓先la,况且都見到尖東紅磡嘅. 由於我朋友用coupon,所以只係叫左个set　ｄｉｎｎｅｒ。　１）沙律　　　ｏｋ　ｌａ　我諗度度都差唔多　２）白酒煮蜆　　　酒味夠香，都幾鮮味　３）湯　　　名字唔知係咪咁寫，叫（丫枝竹忌廉鷄湯）本人見識少，真係未聽過!不過就好好飮。个味好特別，同其他忌廉鷄湯好唔同，值得一試!　４）主菜　　　本人係白汁三文魚扒。魚扒夠大件，肉汁豐富，唔腥，好味!平時我好少食配菜，但唔知係咪肚餓得制，連配菜都食埋。有ｄ地方　　　ｄ配菜都係求其拾下煎下就算，但呢度就真係炒過。値得一讚!　　　我朋友就点左个豬背骨，佢話好野味，想要个飯喎!激死!　５）甜品　　　由於本人對甜嘢冇兴趣，所以只係我朋友点左个焦糖燉蛋，佢話夠香滑，正!　　　整体食物不錯!　　至於服務質素，由於地方細，只得一个楼面，都何以隨傳隨到，想三五知己靜靜傾偈，絕對合適。　　最後價錢,其实个歺都唔平,不過我地用coup

今日男朋友訂左枱食飯，上到去都幾有情調，跟住叫左一個二人餐，有大蝦沙律，有蜆有湯，主菜就選左羊膝同天使麵！其實上黎之前睇左open rice ，都冇乜信心，但男朋友訂左枱冇計啦，但出乎意料，都唔係啲人講到咁，我同男朋友都覺得好食！尤其個湯，正！另外散叫左個焗蠔，good,又肥美又多芝士！食飯望住個海，真係好滿足，多謝男朋友搵左間咁好嘅餐廳過我地一週年紀念！

难食,难吃到连大学canteen都比不上！火焰猪仔骨系温噶，牛肋系10成熟炸牛腩。本来也不期待食物质素，贪个海景，话晒都二十几层高，点知预约等一个月竟然都系俾个门口位！成个场好静，气氛仲好尴尬（可能大家心里都无预计到甘差，基本对住朋友都无心情倾偈，只想快点吃完快点走）厨房极细，基本d野食系fast food甘整热就拿出来。菜牌上的东西呢样无，果样无!团购真的靠不住！

最初決定經團購買二人晚餐之前, 已在open rice 睇過綱友寫的食評是非常之差。 不過大部份都是關于甜品buffet的問題, 我想其它食物應該是OK吧, 可惜是大錯特錯。 餐廳在商業大廈租用一層裹面的一個細單位。 當我進入餐廳那刻已經開始後悔, 因為地方實在太細不像可以座得舒服的餐廳。 食物方面我食咗 1) 野菌忌廉湯 - 湯唔夠熱不過都creamy, 2) 玻里蝦沙律 - 蝦不新鮮沙律太鹹及酸, 3) 紅酒燴羊膝 - 羊肉唔入味唔覺得好食, 4) 朱古力cake - 過得去啦。付出$336二人晚餐得到咁嘅食物質數, 咁嘅環境, 非常之不值。 今日又在團購網見倒Bayview Restaurant買二人晚餐。 如果仲有人敢試, 就祝你哋好運啦!

早兩日係我咁大個仔其中一個好重要嘅日子！哈哈......就係小弟向相識三年嘅女朋友求婚！經千挑萬選之下揀左呢間餐廳！之前一早已經上去同佢地個經理夾好晒個rundown,之後懷住非常緊張嘅心情迎接當晚求婚嘅一刻！一去到已經安排左預訂嘅海景窗口位比我，跟住我同女朋友一路談心一邊食生蠔、煙三文魚沙律、鵝肝、龍蝦湯，味道還可，但生蠔略嫌海水味太重有點咸，但都好新鮮。跟住主菜我地點左肉眼、同帶子意粉，兩個都好味，值得一讚！尤其個肉眼勁正！女朋友食得好滿意之際，突然滿佈煙花嘅求婚蛋糕及99支玫瑰在我女朋友面前出現，然後經理比支咪我唱首你的名字我的姓氏，氣氛已經好高脹，其他枱嘅客人十分幫手，一路拍手一路叫嫁比佢，最終我女友感動得流下眼淚，激動的講一句I do！雖然我都有八九成把握，但係我當然係想我地都畢生難忘吖，一生人一次嘛，bay view完全配合到我想要嘅效果，雖然張單都唔算平但.....都值得嘅！最後開左支香檳請晒在場的客人飲，就係喺咁完美的氣氛下完成我嘅人生大事！特別嗚謝當晚所有有份幫手歡呼嘅食客及餐廳之安排！

我以前從不寫食評, 但今次實在頂唔順Bayview, 不吐不快。買咗團購網超過30次, 今次算是最超差的經驗。團購網用意係推擴, 但是Baywiew目的似乎係一次過賺盡而不會预你有下次。 我們買咗二人晚餐$336 ($268+$68), 餐廳又細又裝修簡陋,大約有14個位, 坐位唔舒服。同樣價錢我可在同區去倒又大又舒服食物質數好的餐廳, Bayview已被我例為黑名單永不再用 拿玻里蝦沙律 - 太鹼及蝦冇味忌廉煮鮮白蜆 – 味道OK, 白蜆新鮮不過細法國黑松露野菌忌廉湯 - creamy秘製安格斯脆皮牛肋條 – 脆脆哋冇骨的牛肋條, 普普通通冇吔特別波爾多紅酒燴羊膝 -淡而冇羊肉味焦糠燉蛋 - 焦糠脆脆哋燉蛋好滑朱古力布朗尼 -普普通通

首先講講我已經食過呢間餐廳三次當中有好有唔好....第一次係上年買團購食晚餐，當時食完覺得好抵，大約$300兩個人，有好多嘢食勁飽！d嘢又好味，而且環境又唔錯，個view同個氣氛都好浪漫！所以見到又有團購咪再買囉....點知今次中招$88甜品放題，食完覺得同晚飯兩回事，不論食物質素同環境，甜品選擇小加上味道也十分普通，有部份更加唔會再叫點知轉頭男朋友自己又買左一張$268嘅二人晚餐卷（因為上次甜品無佢份去所以佢咪夠膽買囉!）又叫我再去食多次！今次竟然又唔差喎都ok~拿玻里蝦沙律：蝦尚算新鮮，加醋食原來都幾好味！唔似平時食開d沙律醬甘肥忌廉白酒煮蜆：呢個係最好味嘅一道菜個汁好好味！黑松露野菌忌廉湯：夠濃味！i like火焰豬仔骨：上枱時有火燒燒下，幾得意，味道一般因為我唔太鍾意有浸酒味！脆皮牛肋條：男朋友非常喜歡只留咗一條比我，個皮好脆，裏面好入味！唔錯嘅選擇！(d主菜一黎就掛住食，無影到相 haha)甜品：原味梳乎厘，普普通通，不過不失。餐飲：紅白酒各一杯，兩杯都容易入口。啱晒我呢d初哥！不過呢個要加錢，個餐無包酒嘅~總括今次都滿意，比起上一次甜品放題好得多~！值得一提，就係佢地日頭同

話說又同一班下面的網友一樣團購網 88蚊 甜品話說同朋友入到去的時候 , 見到有個海景位雖則唔係特別靚 , 但係呀豬呀狗見到海景都會想坐入去啦正想問之時隔離有人問左話唔得 , bk 左係咁就係咁成件事 sad 左 , 不過算 , 呢 d 野有就 bonus , 冇就正常睇化左見到佢張 meun , 款就真係好似好多但係佢一行埋黎就一輪嘴話冇呢樣冇0個樣 , 轉呢樣轉0個樣我心諗 , 你係唔係要我記住你轉左 d 咩先 ?之後仲要話每次每人只可以叫 5樣 ..算 , 呢 d 都唔係重點 ...重點係 ... 佢 d 圖又有雪糕 , 又藍莓cheese cake 咁真係睇到哥哥都流哂口水點 q 知 , 乜春都冇 ....見到佢 d 宣傳真係以為有埋雪糕又以為佢真係件件都係大大件又一個點 q 知 , 乜都唔係 ..同樓下 d 網友一樣感覺真係中哂伏佢個宣傳又吹到好正好掂咁去到真係得 3個字 " 得啖笑 "件件都好細件心太軟俾佢個樣 fake 左 , 因為 d 味真係唔掂 , 好咸之後好少少 ge 就係個 sofu 厘 , 不過都未係真係好好食因為食落口 ge 時候仲食到幾粒砂糖之類的東西 ..