米子

營業中

休息中

Item: 米子
Rating: 2
Author: 晞豬

CÓMMM Vietnamese Cuisine

3.5

126 食評

味道

環境

服務

衛生

抵食

5629

九龍灣

$51-100

越南菜粉麵/米線少鹽少糖食店

資訊:
餐廳:	米子

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

晞豬

等級4

285

男朋友心血來潮帶我去食次次都見到等晒位既呢間越南野。我地都無例外等下，之前幾張都係二人，所以都有心理準備要等。前面入晒枱得返我地，後面無人等，個部長人見身後張大枱埋單就話叫我地坐。點知語音未落有人走埋黎話七位即刻俾左佢地😑叫我地叫左野食先想留坐我地😐。其實我地趕住要攞野，猶豫緊轉唔轉地方之際，佢好彩啱啱有張二人枱起身。有少懷舊少工業風裝修既店面，入到去見到餐牌啲嘢唔算貴。咁就好快就叫喇沙，庶蝦，蛋包金邊粉，炒椰菜苗，芒果糯米飯，買二送一飲品芒果椰果冰。好～飲品無特別，芒果糖漿開水加幾粒椰果。喇沙呢真係普通，食慣土司工房喇沙，呢個湯又浠味又唔濃，勝在有隻大隻啲既蝦無食評講到咁好食。馬拉盞炒椰菜苗，啲椰菜苗老好硬，好細碟都唔係馬拉盞炒嘅，不過佢哋有落細蝦醬。之後等左好耐我男朋友又食完佢碗喇沙，椰菜苗又俾我食晒咁滯。終於都上個蛋包金邊粉，個賣相幾靚嘅嗰兩隻蝦棟左響蛋網既面。個蛋網OK嘅，炒金邊粉個汁呢就係西炒飯既茄汁，好食過之前嗰兩款咁啦但係都係普通，佢配伴碟有一啲銀芽都叫有少少誠意啦🙄。因為上菜慢嘅關係我男朋友自己行咗返德福攞嘢先，但係佢攞完野返黎，個庶蝦先剛上無耐😐可想而知等左幾耐。庶蝦賣相好睇，但唔係傳統細細條，只係一大舊好似熱狗腸咁嘅做，切開四片。庶浸左水拍散咗唔甜，蝦膠就厚帶唔出味好似蝦膠還膠味庶還庶咁😑。最後係個甜品芒果黑白糯米，椰汁佢地分上，可能想俾我地睇到佢哋將個糯米整成心形分咗兩層掛。啲糯米勁～～～～硬，就咁食咀嚼好耐先食到味（其實佢哋知唔知煮啲啲糯米飯係要落少少鹽嘅呢😒），個椰汁係無味嘅又浠想點。想啲糯米咁硬點啲椰汁食睇下好唔好啲，仲衰😑明明個汁無味架但係整完落去飯度連個飯都無埋味😑😑😑。整餐飯成三百幾蚊坐左好耐我明點解要等位唔係因為好好味囉，上菜咁慢究竟點解又係呢啲質素呢。