泰巷 (已結業)

喺荃灣搵食係星期六放學後指定動作，帶小朋友食泰菜最重要坐得舒服、快有位。呢間望落地方、座位夠大就一於試試。點左個靑咖喱豬扒飯、海南雞飯。咖喱夠味，送飯一流，豬扒輕輕炸過，內𥚃唔乾有肉汁。海南雞飯都好味，雞肉滑，可惜無甜是油，得個泰式醬。花生唔太脆，食2粒算。老公話佢個泰式咖啡好飲，有啲泰國餐廳叫咖啡係俾普通咖啡，呢間真係泰式咖啡，無呃人。