利強記北角雞蛋仔

營業中

休息中

未行近呢邊都已聞到濃濃嘅奶香味喇，晚黑九點幾出來食宵夜，經過呢度見到利強記度難得冇乜人排隊，仲唔喇喇淋入去買番底雞蛋仔來食下！原味嘅雞蛋仔，整嗰時候就發出陣陣香味，整好之後放一粒係個嘴度，嗯、又香又甜，啱出來嘅雞蛋仔仲係軟軟嘅，層皮有小小韌，中午通窿，下面一層厚厚嘅，有d焦香味，有d奶味，哇，真係唔錯嘅雞蛋仔！食咗幾粒，剩低嘅返到屋企先至食，本來以為會凍咗好難食，但係冇諗到凍咗嘅雞蛋仔更加酥脆，嗰層韌韌嘅皮變成脆脆嘅皮，柔軟嘅低邊依然柔軟，另有仲滋味吖！咖喱魚蛋好正！咖喱好純正！咖喱味濃郁，魚蛋好入味，果然魚蛋配咖喱汁係絕配吖！