廟街牛雜

營業中

休息中

我哋呢輩嘅人 只要唔係超級離嗰班富豪 大概以前都企街係走鬼檔篤牛雜篤魚蛋嚟食 雖然係那渣啲 但係嗰種風味而家已經唔會再食得到嗰啲街邊檔全部都上曬鋪頭 買得又貴嘢食有冇以前咁好味 呢種轉變對我嚟講係壞事聽某啲同事講話呢間廟街牛雜好正 我好鍾意食牛雜呢樣嘢所以我就去食下 去到當堂嚇一跳因為要大排長龍睇落個餐牌 你話貴又唔算好貴 話平就一定唔係平 其實係40年前 牛雜係那渣嘢 邊值錢㗎！？ 家陣竟然買咁貴 真係時移世易牛雜買到要排曬長龍金搞笑 等我食返嚿試下睇下點 牛雜夠淋又夠入味 件件都香淋 加埋啲甜醬同埋芥辣 就更加入型入格 都幾好食不過話到尾 都唔夠七十年代嘅好食 想當年嗰好味到識飛呀