个園竹語

營業中

休息中

父親節飯局，按老豆喜好揀左呢間新開既上海菜黎試。裝修環境唔錯，好舒適，不過因為訂位嗰陣沒特別request，所以沒安排房，有啲美中不足。5個人都試左唔少野，續一講。首先係頭盤，我幾鍾意佢既黑松露燻溏心蛋，松露味超出，中間蛋黃剛剛好，好流心，nice😋仲叫左蜜汁燒白鱔，雖然唔彈牙，質感係稔滑，味道都唔錯～主菜就試左龍井野生河蝦仁，幾鮮甜爽口，但就比較細隻。另外慢燒煙燻脆皮雞都唔錯，皮脆，肉質係比較紮實，但係就偏肥，瘦啲會更好。之後有石鍋竹笙蟹粉嫩豆腐，可能蟹粉唔當季，沒咩蟹味，但調味係ok 既。最後就叫左幾個主食，薺菜肉絲炒年糕就不過不失啦。鐵板上的小籠包就唔錯，肉汁好多，味道唔錯，嗰底煎得幾脆，好過我之前食既餐廳。同埋五年陳皮牛肉餅都好味，牛肉味濃，嗰餅皮都做得唔錯。甜品試左脆炸馬蹄糕，似天婦羅馬蹄糕，脆脆地，唔太甜，都幾得意。最後有香滑流沙包，都做得唔錯，包軟綿綿，餡夠流心。