影片
更多
2018-12-25
330 瀏覽
呢間餐廳好耐之前食過一次，記得果時價錢唔平，今次去價錢抵食左好多。餐湯係蕃茄湯，呢個幾好飲，酸酸地幾開胃，不過入面就無咩料既。朱古力奶：連我平時重口味開既都覺得超甜。成杯野無咩朱古力味，好似落左好多練奶既練奶水咁，飲左幾啖就同佢説再見美國極黑豬鞍連蜜桃莎莎： 講真$78蚊呢個價錢真係幾抵，賣相都幾精美。薯菜係焗薯仔，車厘茄，露荀，紅蘿蔔，感覺幾繽紛。食落應腍得腍，應爽得爽。豬鞍都好厚切，食落爽口，不過就真係由頭瘦到落腳，又無咩肉汁，好似食緊煲湯豬肉既感覺，好彩係有d 汁點下，不過要食完佢都有點難挨。同場全枱一齊嗌呢一味，點知伏晒。蜜桃莎莎只係好粗粒既蜜桃加d 醋，有少少失望。唔係我以往食果d 莎莎既感覺黎。最後甜品係一件超迷你的朱古力蛋糕配個薄脆餅底，呢個幾好食，朱古力味濃過杯奶水50%, 不過就係唔夠喉，吊住吊住條癮。呢個價錢食到豬鞍都算係咁，而且又包湯，甜品，飲品，如果舊豬唔係咁柴，我都會比個好評佢。
餐湯係蕃茄湯，呢個幾好飲，酸酸地幾開胃，不過入面就無咩料既。
朱古力奶：連我平時重口味開既都覺得超甜。成杯野無咩朱古力味，好似落左好多練奶既練奶水咁，飲左幾啖就同佢説再見
美國極黑豬鞍連蜜桃莎莎： 講真$78蚊呢個價錢真係幾抵，賣相都幾精美。薯菜係焗薯仔，車厘茄，露荀，紅蘿蔔，感覺幾繽紛。食落應腍得腍，應爽得爽。
豬鞍都好厚切，食落爽口，不過就真係由頭瘦到落腳，又無咩肉汁，好似食緊煲湯豬肉既感覺，好彩係有d 汁點下，不過要食完佢都有點難挨。同場全枱一齊嗌呢一味，點知伏晒。蜜桃莎莎只係好粗粒既蜜桃加d 醋，有少少失望。唔係我以往食果d 莎莎既感覺黎。
最後甜品係一件超迷你的朱古力蛋糕配個薄脆餅底，呢個幾好食，朱古力味濃過杯奶水50%, 不過就係唔夠喉，吊住吊住條癮。
呢個價錢食到豬鞍都算係咁，而且又包湯，甜品，飲品，如果舊豬唔係咁柴，我都會比個好評佢。
張貼
