梨泰院 (愉景新城) (已結業)

同朋友喺荃灣行街，突然想食下韓國嘢，發現愉景新城新開左間韓國餐廳，就去試吓😆餐廳環境寬敞，裝修亦好有格調，晚巿7點幾唔使等就可以入座👍🏻入座就有餐前小菜，豆芽、泡菜、薯仔、醃蘿蔔，上菜速度亦好快。🍽鮮人蔘雞湯 🍲非常之香嘅人蔘味，一上菜人蔘味撲鼻而來。用料一啲都唔吝嗇，有好多人蔘鬚鬚，飲落亦有人蔘嘅苦澀味，真材實料。而且加咗啲米入去煮，有少少粥底效果。熱辣辣非常之暖胃。🍽甜辣炸雞(半隻)🍗炸雞同我想像中有少少唔同🤣以為係半隻雞，有唔同嘅部位。點知全部都係髀同中翼🙈 但都炸得香脆，再配上炸雞嘅絕配甜辣醬，簡直好似去咗韓國咁。🍽原味紫菜包飯🍙正宗Gimbap👍🏻 青瓜同醃黃蘿蔔簡直係紫菜包飯嘅靈魂，爽脆嘅青瓜同醃黃蘿蔔，令紫菜包飯嘅口感昇華。🍽韓國生菜包豬肉🥬韓國菜點少得生菜包肉，份量非常之多。而且仲有蒜頭、青瓜絲、紅椒絲做配菜，令味道更加豐富。但冬天食呢味菜，就略為不適合。因為天氣凍，令啲肉好快凍咗，骨膠原黐埋一舊🙈