影片
更多
2022-10-03
792 瀏覽
呢排周圍試食沾麵，尖沙咀、紅磡到、荃灣、中環，再嚟到灣仔，好多有好評嘅拉麵店都有沾麵，但實際質素就未必同你睇到嘅廣告推文一樣。個人認為沾麵好唔好食就睇 (1) 醬汁湯底質素，食完口唔口渴？(2) 麵嘅種類，烏冬、粗幼拉麵、扁寬、軟硬度，(3) 配料，例如紫菜有冇淋哂？蔥、肉份量，以及 (4) 溫度。我哋兩個人叫同一個蝦湯沾麵。有加紫菜加肉加蛋。麵底係叫普通份量。嚟到後都幾大份吓，個麵係溫暖，有淥過吓，唔係冰冷嘅。紫菜係一片片分得開，仍然係脆。溏心蛋okay，有個檸檬等你冇咁滯，因為再睇下張圖就見到個湯其實係幾heavy，有油份，湯質都好杰吓。啲肉俾啲蔥遮住咗，但佢係省埋一舊，一片片放入個湯後，都幾有肉味，而舊肉唔肥嘅。至於呢個湯，嚟到時都出煙，但佢入面唔算熱嘅，有試過好幾間尖沙咀嘅拉麵店所賣嘅沾麵都有呢個情況出現，中環食過幾間好出名過百蚊一份嘅幾間就真係冇呢種情況發生。味道方面，我哋叫咗加湯(即醬汁)，所以份量係加大咗。而呢個湯底望落去較油，沾麵食後就亦比較咸，鍾意食濃味啲嘅人就會覺得ok。至於溫度，朋友覺得個湯/醬汁唔夠熱，要求店員幫我哋喺湯入面加熱石，佢哋會幫客人將一舊熱石放入湯，
我哋兩個人叫同一個蝦湯沾麵。有加紫菜加肉加蛋。麵底係叫普通份量。嚟到後都幾大份吓，個麵係溫暖，有淥過吓，唔係冰冷嘅。紫菜係一片片分得開，仍然係脆。溏心蛋okay，有個檸檬等你冇咁滯，因為再睇下張圖就見到個湯其實係幾heavy，有油份，湯質都好杰吓。啲肉俾啲蔥遮住咗，但佢係省埋一舊，一片片放入個湯後，都幾有肉味，而舊肉唔肥嘅。
至於呢個湯，嚟到時都出煙，但佢入面唔算熱嘅，有試過好幾間尖沙咀嘅拉麵店所賣嘅沾麵都有呢個情況出現，中環食過幾間好出名過百蚊一份嘅幾間就真係冇呢種情況發生。
味道方面，我哋叫咗加湯(即醬汁)，所以份量係加大咗。而呢個湯底望落去較油，沾麵食後就亦比較咸，鍾意食濃味啲嘅人就會覺得ok。
至於溫度，朋友覺得個湯/醬汁唔夠熱，要求店員幫我哋喺湯入面加熱石，佢哋會幫客人將一舊熱石放入湯，令個湯會熱到起泡泡，等一陣個湯冇咁熱時，就可再拎起舊熱石然後沾麵食。但我同朋友都等唔切，舊熱石仲喺湯入面時都照放入麵，我哋都係鍾意少少熱辣辣感覺嘅沾麵。
另外麵餐有汽水、烏龍茶及啤酒揀。呢個店冇小食，主力食嗰幾款拉麵及沾麵，咁我嘅期望會高少少。價錢唔算好貴，不過我哋加幾樣嘢，埋單係$260度，其實算平。
張貼
