博多屋台

營業中

休息中

今日去咗上水農莊玩到日落時候，搭小巴出返上水食晚飯，一個住上水嘅朋友推介位於上水彩園邨商場嘅日式料理～博多屋台。店面店內極富日本風情，以木色為主，卡位以木條間隔有私人空間感，全店掛滿日本風燈籠，餐廳有多重優惠，有一人前定食套餐，晚上壽司刺身有88折。帶子王刺身有兩大粒切開4片，帶子白雪雪好新鮮，飽滿而鮮甜，吸收檸檬味更清新。玉子壽司、三品壽司盛、蒜味螺肉軍艦，味道唔錯，由其係優惠價嘅三品壽司，火炙皇帝蟹棒、玻璃蝦、三文魚壽司各一件，師傅喺上面加咗調味火炙，脆脆地好香口。天婦羅魷魚鬚加入海苔炸，香脆得嚟有海苔香味，唔使點醬都夠晒味。黑蒜油腩肉拉麵，好香黑蒜油加濃郁豬骨湯底，日式叉燒好食，溫泉蛋好幼滑。最後埋單時收銀員送上一個代幣，表示可在店旁嘅夾公仔機玩一局。