靖·火鍋 (已結業)

已經有一段時間冇打邊爐，而且一人一鍋嘅機會更加少，今次終於有機會去銅鑼灣新開火鍋店靖火鍋品嚐一人一鍋。呢度配料食物選擇極多，目不暇給，最緊要呢度環境優美可以直望維多利亞港。今次我哋order咗 牛蛙、安格斯牛肉、醉雞、蟹柳、午餐肉、鯪魚滑、墨魚滑、海蝦、雜菌盤，熟食叫咗羊肉串，而湯底係鴛鴦鍋，一邊係豬骨另一邊係麻辣。牛蛙夠大隻夠新鮮，安格斯牛肉就超柔軟嫩滑值得推介，醉雞好入味，蟹柳、午餐肉都同樣出色 ，墨魚骨同鯪魚滑都超彈牙可口，而且砌個心形上碟，絕對係打卡之選  ，雜菌盤有雞脾菇、金菇、日本草菇及冬菇等新鮮蔬菜，羊肉串就非常惹味，而最緊要嘅湯底就絕對鮮味十足，好啱香港人口味。