影片
更多
2016-02-25
439 瀏覽
銅鑼灣都食過好多餐廳，今日朋友話想飲下酒，就提議去酒吧。酒吧本身自己都唔太熟，咁就跟佢帶路，去左都幾少人去既地方 ...... 無論餐廳內外都係酒吧格局，吧枱可以見面擺滿上百枝各種各樣既酒，真係嘆為觀止。 坐低淨係見到drink menu已經多到嚇親，先點左枝自己都唔係好識既 Alska。揀左荔枝加梨味，酒味唔重，帶少甜，即使我唔係飲開酒都鐘意飲。 飲飲下大家都開始想食野，因為始終岩岩放工，都想食下野。問問店員原來佢地有個food menu，都好多野食揀，真係估唔到。 煙肉荔枝，荔枝多汁，煙肉好淋又易咬。因為平時食開既煙肉太乾身又硬，今次除左煙肉整得夠淋，加左荔枝又減輕左煙肉乾身既感覺。 黑松露芝士薯條，濃郁芝士同黑松露，從外觀上已經可以睇到好多黑松露同埋芝士。食既時候完全唔需要任何醬汁已經好好食。 串燒豬頸肉，啖啖肉，豬頸肉厚身，但唔會咬唔開。燒之前落足調味，所以燒完之後非常入味。 串燒雞脾菇，好大隻既雞脾菇，而且有兩件，真係幾抵食。雖然雞脾菇燒過，但係咬落去仍然感覺到佢係好多汁。 墨西哥粟米片，之前係其他餐廳食過係將粟米片上面既三種醬撈埋
無論餐廳內外都係酒吧格局，吧枱可以見面擺滿上百枝各種各樣既酒，真係嘆為觀止。
坐低淨係見到drink menu已經多到嚇親，先點左枝自己都唔係好識既 Alska。揀左荔枝加梨味，酒味唔重，帶少甜，即使我唔係飲開酒都鐘意飲。
飲飲下大家都開始想食野，因為始終岩岩放工，都想食下野。問問店員原來佢地有個food menu，都好多野食揀，真係估唔到。
煙肉荔枝，荔枝多汁，煙肉好淋又易咬。因為平時食開既煙肉太乾身又硬，今次除左煙肉整得夠淋，加左荔枝又減輕左煙肉乾身既感覺。
黑松露芝士薯條，濃郁芝士同黑松露，從外觀上已經可以睇到好多黑松露同埋芝士。食既時候完全唔需要任何醬汁已經好好食。
串燒豬頸肉，啖啖肉，豬頸肉厚身，但唔會咬唔開。燒之前落足調味，所以燒完之後非常入味。
串燒雞脾菇，好大隻既雞脾菇，而且有兩件，真係幾抵食。雖然雞脾菇燒過，但係咬落去仍然感覺到佢係好多汁。
墨西哥粟米片，之前係其他餐廳食過係將粟米片上面既三種醬撈埋一齊。但今次就另一番感覺，因為粟米片上可以見到三種醬分開擺放，覺得賣相提升左好多。食既時候再自己隨意加減份量，其實咁既食法仲好。
手制肉丸pizza，普通批既size，每一塊都可以見到有好多肉丸，再加上惹味醬汁，食落唔會太乾身。再者，pizza用上薄批邊，令到整個批食落唔會好快就濟。
松露野菌意粉，味道香濃，可以見到面頭仲有一條條既芝士係上面，意粉既周圍都比野菌圍住。意粉帶少許彈牙，好滑口，黑松露汁非常濃味，不過自己本身都鐘意黑松露隻味，所以都幾討好。
估唔到呢間酒吧除左飲得，仲食得！
張貼
